2026 jyldyń qańtar-maýsym ailarynda Qazaqstan qonaqúilerinde eń kóp toqtaǵan sheteldik týrister qatarynda Resei azamattary kósh bastady. Alaida olardyń sany ótken jyldyń sáikes kezeńimen salystyrǵanda azaiǵan, dep habarlaidy dalanews.kz.
Ekinshi orynda Qytai azamattary tur. Biylǵy alǵashqy jartyjyldyqta Qytaidan kelgen qonaqtar sany ótken jylmen salystyrǵanda shamamen 25 myń adamǵa artqan.
Úshinshi orynǵa Úndistan azamattary jaiǵasqan. Degenmen bul elden kelgen týrister sany ótken jylmen salystyrǵanda tómendegen.
Alǵashqy bestikke sondai-aq Túrkiia men Ózbekstan azamattary endi.
Sonymen qatar AQSh, Germaniia, Ońtústik Koreia jáne Ulybritaniiadan kelgen qonaqtar sanynyń ósýi baiqalady.
Qazaqstan qonaqúilerinde toqtaǵan sheteldik qonaqtar sany:
- Resei — 185 629 adam;
- Qytai — 125 544 adam;
- Úndistan — 47 797 adam;
- Túrkiia — 31 531 adam;
- Ózbekstan — 22 999 adam;
- AQSh — 19 384 adam;
- Germaniia — 16 137 adam;
- Ońtústik Koreia — 15 285 adam;
- Ulybritaniia — 12 377 adam;
- Qyrǵyzstan — 11 725 adam.
Aita keteiik, bul statistikaǵa táýliktik jalǵa beriletin páterler, Airbnb servisteri arqyly jaldanǵan baspanalar, sondai-aq týystar men dostardyń úiinde turǵan sheteldikter kirmeidi. Mysaly, Almaty men Astananyń ózinde Airbnb jáne qysqa merzimdi jalǵa berý platformalarynda myńnan astam turǵyn úi nusqasy usynylady.
