Dúisenbide qor birjasyndaǵy saýda-sattyq qorytyndysy boiynsha teńgege shaqqanda 1 AQSh dollary 513,39 teńgeni qurap, baǵamy 2,65 teńgege arzandady. Sarapshylar ulttyq valiýtanyń bulaisha nyǵaiýyna ishki faktorlarmen qatar syrtqy jaǵdailar da jetkilikti qolaily bolǵanyn aitady. Atap aitqanda, munai baǵasynyń ósýi jáne rýbldiń nyǵaiýy, dep habarlaidy Dalanews.kz.
"Ulttyq valiýtaǵa degen suranystyń artýy AQSh pen QHR arasyndaǵy saýda kelissózderi aiasynda geosaiasi shielenistiń tómendeýimen de bailanysty bolýy múmkin, bul jahandyq naryqtyq segmentterdegi aýannyń jaqsarýyna yqpal etti jáne damýshy naryqtar aktivteriniń, onyń ishinde teńgeniń tartymdylyǵyn kúsheitti", - deidi Qazaqstan qarjygerleri qaýymdastyǵy.
Dúisenbide aqsha naryǵynyń kiristiligi valiýta naryǵynyń salystyrmaly turaqtylyǵy aiasynda tómendedi. Máselen, TONIA-nyń mólsherlemesi 15,81%-dan 15,62% - ǵa deiin, al SWAP-1D mólsherlemesi 12,32% -dan 11,74%-ǵa deiin tómendedi. Saýda-sattyqtyń jalpy kólemi 537,44 mlrd teńgege (+54,43 mlrd teńge) deiin ósti.
Al bul kezde Ulttyq banktiń depozittik aýktsiondaǵy suranys kólemi 2,6 trln teńgeden 1,6 trln teńgege deiin tómendedi. Aýktsiondaǵy suranys jyldyq 16,5% mólsherlemesimen tolyǵymen qanaǵattandyryldy. Degenmen Ulttyq Bank operatsiialary boiynsha ashyq pozitsiia 7,6 trln teńge deńgeiinde saqtaldy.
Kaspi aktsiialary KASE indeksi ósimin tejedi
KASE qor naryǵynyń indeksi osy aptany 0,09% deńgeiindegi qalypty ósimmen bastady, sóitip aptadaǵy alǵashqy kúndi 5 718,30 tarmaq belgisimen japty. Mundaǵy saýda-sattyq qubylmalylyqtyń joǵarylaýymen qatar júrdi: kúndizgi diapazon 5 701,70-ten 5 748,74 pýnktke deiingi aralyqty qamtydy. Indekske oń qoldaý kórsetken jekelegen emitentterdiń aktsiialary boldy, atap aitqanda, Air Astana-nyń baǵaly qaǵazdary 2,3%-ǵa, al Halyq bankiniń aktsiialary 1,8%-ǵa ósti. Alaida Kaspi aktsiialary indeks ósimin tejep, 1,6%-ǵa tómendedi. Saýda-sattyq kólemi aitarlyqtai ósti, iaǵni aldyńǵy sessiiamen salystyrǵanda 2,5 ese artty, bul naryq qatysýshylarynyń investitsiialyq belsendiliginiń arta túskenin baiqatady.
AQSh pen Qytai kelissózder júrgizip, baj tarifteri boiynsha 90 kúnge beibit ymyraǵa kelgennen keiin munai baǵasy 1,6%-ǵa ósip, onyń bir barreli 65,0 dollar boldy. Alaida bul ósim Irannyń iadrolyq baǵdarlamasy boiynsha kelissózderi men Resei men Ýkraina arasyndaǵy qaqtyǵys tóńiregindegi dúdamal jaǵdaiǵa bailanysty tejeldi. Óitkeni bul faktorlar baǵalarǵa qysym jasai otyryp, sanktsiialardy jeńildetý nemese múlde alyp tastaýǵa ákelýi múmkin.
Munai baǵasy ary qarai joǵarylai beredi me?
"Naryqta baǵanyń ósýine de jáne tejelýine de yqpal etetin kóptegen faktor bar. Aldyn ala baǵalaý boiynsha, Qytaimen aradaǵy saýda soǵysynyń ýshyqpaýy bir barrel munaidyń baǵasyna túsetin shamamen 5 dollar sipatyndaǵy qysymnyń kúshin joidy. Baǵaǵa qatysty qosymsha qysym jaqyn kúnderi prezident Tramptyń Taiaý Shyǵysqa sapary aiasynda týyndaýy múmkin bolady. Sarapshylardyń pikirinshe, aldynda ózine munai baǵasynyń tómendeýine járdemdesý týraly ótinish bildirgen arab elderi Trampty jyly qarsy alady dep kútilýde. Bul memleketter óndiristi birtindep ulǵaitý josparlaryn jariialap ta úlgerdi, bul naryq dinamikasyna da áser etýi múmkin", - deidi Qazaqstan qarjygerleri qaýymdastyǵy.
Buǵan deiin saitymyzda "Munai dáýiriniń aqyry: Qazaqstan úshin jańa ekonomikalyq kezeń bastaldy ma" degen taqyrypta maqala jariialanǵan bolatyn. Maqalada ekonomist Almas Chýkin baǵasy jaǵynan munai burynǵy tartymdylyǵynan aiyryla bastaǵanyna basa nazar aýdartyp, bizdiń munai dáýiriniń aiaqtalyp kele jatqanyn moiyndaý kerektigimizdi, ekonomikany tez arada ártaraptandyrýǵa kóshýimizdi usynady.
