Almaty politsiiasy saha belsendisi Aihal Ammosovty (pasporttaǵy aty-jóni: Igor Ivanov) Reseidiń suraýy boiynsha ustaǵan. Qazir ony ekstraditsiialaý máselesi qarastyrylyp jatyr. Bul jóninde Orda.kz Almaty politsiia departamentine silteme jasap habarlady.
Basylymnyń málimetinshe, Ammosov RF Saha respýblikasynyń ishki ister basqarmasynyń suraýy boiynsha ustalǵan. Departament "ekstraditsiia máselesi halyqaralyq kelisim negizinde sheshiledi" degen.
Biraq "armiianyń bedelin túsirý" baby ekstraditsiialaýǵa negiz bola almaidy. Sebebi Qazaqstanda bul zańnyń balamasy joq. Reseide Ammosovqa onyń soǵysqa qarsy áreketi úshin "armiianyń bedelin túsirdi" degen aiyp taǵylǵan.
Narazylyq aktsiialarynan keiin Ammosovqa graffiti, plakat pen piket úshin "Resei áskerine til tigizdi" dep ákimshilik hattamamen úsh ret aiyppul salynyp, 2022 jyldyń tamyzynda osy bap boiynsha qylmystyq is qozǵaldy. Osydan soń Ammosov Qazaqstanǵa kóship keldi.
Ammosovtyń aitýynsha, ol Qazaqstan arqyly Eýropa elderiniń birine ketkisi kelgen.
Sota telegram-arnasynyń jazýynsha, keiingi kúnderi Qazaqstan qaýipsizdik qyzmeti Ammosovtyń izine túsken. Bul jóninde arna Ammosovtyń tanystaryna súienip habarlady. Olardyń sózinshe, politseiler belsendige ýaqytsha turýǵa ruqsat alýǵa kómektesken adamǵa kelip, onyń turǵylyqty jerin suraǵan (belsendi Astanada tirkelgen, biraq Almatyda turǵan).
https://dalanews.kz/sadak/93761-rosatom-qazaqstandagy-tagy-bir-kenish
