باسىلىمنىڭ مالىمەتىنشە، امموسوۆ رف ساحا رەسپۋبليكاسىنىڭ ىشكى ىستەر باسقارماسىنىڭ سۇراۋى بويىنشا ۇستالعان. دەپارتامەنت "ەكستراديسيا ماسەلەسى حالىقارالىق كەلىسىم نەگىزىندە شەشىلەدى" دەگەن.

ءبىراق "ارميانىڭ بەدەلىن ءتۇسىرۋ" بابى ەكستراديسيالاۋعا نەگىز بولا المايدى. سەبەبى قازاقستاندا بۇل زاڭنىڭ بالاماسى جوق. رەسەيدە امموسوۆقا ونىڭ سوعىسقا قارسى ارەكەتى ءۇشىن "ارميانىڭ بەدەلىن ءتۇسىردى" دەگەن ايىپ تاعىلعان.

نارازىلىق اكسيالارىنان كەيىن امموسوۆقا گراففيتي، پلاكات پەن پيكەت ءۇشىن "رەسەي اسكەرىنە ءتىل تيگىزدى" دەپ اكىمشىلىك حاتتامامەن ءۇش رەت ايىپپۇل سالىنىپ، 2022 جىلدىڭ تامىزىندا وسى باپ بويىنشا قىلمىستىق ءىس قوزعالدى. وسىدان سوڭ امموسوۆ قازاقستانعا كوشىپ كەلدى.

امموسوۆتىڭ ايتۋىنشا، ول قازاقستان ارقىلى ەۋروپا ەلدەرىنىڭ بىرىنە كەتكىسى كەلگەن.

Sota تەلەگرام-ارناسىنىڭ جازۋىنشا، كەيىنگى كۇندەرى قازاقستان قاۋىپسىزدىك قىزمەتى امموسوۆتىڭ ىزىنە تۇسكەن. بۇل جونىندە ارنا امموسوۆتىڭ تانىستارىنا سۇيەنىپ حابارلادى. ولاردىڭ سوزىنشە، پوليسەيلەر بەلسەندىگە ۋاقىتشا تۇرۋعا رۇقسات الۋعا كومەكتەسكەن ادامعا كەلىپ، ونىڭ تۇرعىلىقتى جەرىن سۇراعان (بەلسەندى استانادا تىركەلگەن، ءبىراق الماتىدا تۇرعان).

https://dalanews.kz/sadak/93761-rosatom-qazaqstandagy-tagy-bir-kenish