Qazaqstan munaıynyń Eýropaǵa jetkizilimi qalypty rejımde jalǵasyp jatyr, dep habarlaıdy Dalanews.kz.
Energetıka mınıstri Erlan Aqkenjenovtiń aıtýynsha, reseılik «Transneft» júıesi arqyly tranzıt toqtaýsyz júzege asýda.
«Búgingi tańda qazaqstandyq munaı tranzıti eshbir kidirissiz júrip jatyr. Munaı “Transneft” júıesine qalypty rejımde qabyldanýda», – dedi mınıstr Eýropaǵa jetkizilimge qatysty suraqqa jaýap bere otyryp.
Sondaı-aq ol Qazaqstannyń Baký – Tbılısı – Djeıhan baǵyty arqyly munaı eksportyn qaıta jandandyrý jóninde kelissózder júrgizip jatqanyn rastady. Bul marshrýt buryn kaspıı munaıyn tasymaldaý úshin paıdalanylǵan. Alaıda shilde aıynda Azeri BTC munaıynyń keıbir partıalary organıkalyq hlorıdtermen lastanyp, túrkıalyq Djeıhan portynan jetkizilimderde aqaýlar bolǵan edi.
