Ekonomikalyq yntymaqtastyq jáne damý uiymynyń (EYDU) TALIS-2024 halyqaralyq oqytý jáne oqytýshylardyń jaǵdaiy jónindegi zertteýiniń nátijeleri Qazaqstannyń bilim berý júiesinde oń ózgerister bar ekenin kórsetti, dep habarlaidy Dalanews.kz.
Zertteý aiasynda bilim berý ortasy, muǵalimderdiń eńbek jaǵdaiy, kásibi damýǵa múmkindikteri, pedagogikalyq tájiribeleri men kásibi ustanymdary taldanady. Qazaqstanda bul zertteýge 7 myńnan astam muǵalim men 369 mektep direktory qatysty.
2018 jylmen salystyrǵanda, qazaqstandyq muǵalimder endi óz ýaqytynyń kóp bóligin sabaq berýge jáne ata-analarmen qarym-qatynas ornatýǵa jumsaityn bolǵan. Al ákimshilik jumystarǵa bólinetin ýaqyt, kerisinshe, azaiǵan. Nátijesinde muǵalimderdiń aptalyq ortasha júktemesi 50 saǵattan 36 saǵatqa deiin qysqarǵan. Mundai aitarlyqtai ózgeris EYDU elderiniń eshbirinde tirkelmegen.
Sondai-aq qazaqstandyq muǵalimderdiń ortasha jasy 45-ten 41 jasqa deiin tómendegen. Bul kórsetkish EYDU elderi arasyndaǵy eń jas pedagogtar qataryna kiretinin bildiredi.
"Qazaqstandaǵy pedagogtardyń 95 paiyzy óz jumysyna qanaǵattanatynyn, al 80 paiyzy kásibi tańdaý jasaý múmkindigi qaita berilse, qaitadan ustaz bolar edim dep jaýap bergen", – delingen Úkimet habarlamasynda.
EYDU quramyna 38 el kiredi. Olardyń qatarynda Avstraliia, Avstriia, Belgiia, Kanada, Chehiia, Germaniia, Frantsiia, Japoniia, Ońtústik Koreia, AQSh, Ulybritaniia jáne ózge memleketter bar.
