Búgin Qazaqstan Prezidenti Qasym-Jomart Toqaevtyń Iordaniia Koroli Abdalla II-pen kezdesýi ótti. Senator, Ekonomikalyq saiasat, innovatsiialyq damý jáne kásipkerlik komitetiniń múshesi Baýyrjan Kaniev osy kezdesýdiń mańyzy men strategiialyq yntymaqtastyqtyń baǵyttary týraly pikir bildirdi,- dep habarlaidy Dalanews.kz
- Aqpandaǵy Ammandaǵy ýaǵdalastyqtar qazir naqty jobalarǵa ulasýda: aýyl sharýashylyǵy, farmatsevtika, tsifrlandyrý, bilim berý. Sizdiń oiyńyzsha, osy yntymaqtastyqtyń qai baǵyty Qazaqstan men Iordaniianyń uzaq merzimdi strategiialyq seriktestiginiń irgetasyna ainalýy yqtimal?
- Aqpanda Ammanda ótken kelissózder Qazaqstan men Iordaniia arasyndaǵy qarym-qatynastardy sapalyq jańa deńgeige shyǵardy. Sol ýaǵdalastyqtardyń qazir naqty jobalarǵa ainalýy bizdiń strategiialyq seriktestiktiń júieli túrde damyp kele jatqanynyń aiǵaǵy. Qazaqstan men Iordaniia biznes-forýmynda aýyl sharýashylyǵy, farmatsevtika, tsifrlandyrý jáne bilim berý salalary strategiialyq seriktestiktiń basty baǵyttary retinde ataldy. Osynyń bári Memleket basshysy Qasym-Jomart Toqaevtyń aqylǵa negizdelgen syrtqy saiasatynyń jáne aqpandaǵy Amman saparynan keiingi naqty qadamdardyń jemisi dep sanaimyn.
- Qazaqstan men Iordaniia arasyndaǵy búgingi kelissózder tek ekijaqty saýda men investitsiiaǵa ǵana emes, sonymen qatar aimaqtyq turaqtylyq pen jahandyq qaýipsizdikke de yqpal etýi múmkin. Osy sapardyń geosaiasi mańyzy týraly pikirińiz qandai?
- Bul sapardyń geosaiasi mańyzy óte joǵary. Qazaqstan men Iordaniia tek ekijaqty ekonomikalyq áriptestikti damytyp qana qoimai, búkil aimaqtaǵy turaqtylyq pen qaýipsizdikke úles qosýda.
Aqpanda Korol Abdalla II men Prezident Qasym-Jomart Toqaevtyń Ammandaǵy kezdesýi eki eldiń aimaqtyq beibitshilikke degen ortaq umtylysyn bekite tústi. Búgingi kelissózder sol kelisimderdiń qisyndy jalǵasy bolyp tabylady.
Qazaqstan – Eýraziiadaǵy, al Iordaniia – Taiaý Shyǵystaǵy beibitshilik pen kelisim saiasatyn ustanatyn memleketter. Sondyqtan eki eldiń dialogy jahandyq deńgeide senim qurýǵa jáne kópjaqty diplomatiiany kúsheitýge naqty úles qosady.
- Korol Abdalla II Qasym-Jomart Toqaevqa tabys etken «Al-Nahda» ordenin Qazaqstan men Iordaniia arasyndaǵy dostyq pen seriktestiktiń simvoly retinde qalai baǵalar edińiz?
- Bul marapat tek jeke tulǵaǵa berilgen qurmet emes, ol Qazaqstan men Iordaniia arasyndaǵy dostyq pen seriktestiktiń joǵary deńgeidegi simvoly. Bul qadam eki el basshylarynyń arasyndaǵy senimniń tereńdigin kórsetip qana qoimai, halyqtar arasyndaǵy baýyrlastyq bailanystardy da bekemdeidi. Ásirese aqpandaǵy Amman saparynan keiin bizdiń qarym-qatynasymyzdyń odan ári nyǵaiyp, jańa serpin alǵanyn eskersek, bul orden ózara syilastyq pen strategiialyq áriptestiktiń jarqyn aiǵaǵy.
