بۇگىن قازاقستان پرەزيدەنتى قاسىم-جومارت توقايەۆتىڭ يوردانيا كورولى ابداللا II-پەن كەزدەسۋى ءوتتى. سەناتور، ەكونوميكالىق ساياسات، يننوۆاسيالىق دامۋ جانە كاسىپكەرلىك كوميتەتىنىڭ مۇشەسى باۋىرجان كانييەۆ وسى كەزدەسۋدىڭ ماڭىزى مەن ستراتەگيالىق ىنتىماقتاستىقتىڭ باعىتتارى تۋرالى پىكىر ءبىلدىردى،- دەپ حابارلايدى Dalanews.kz
- اقپانداعى اممانداعى ۋاعدالاستىقتار ءقازىر ناقتى جوبالارعا ۇلاسۋدا: اۋىل شارۋاشىلىعى، فارماسيەۆتيكا، سيفرلاندىرۋ، ءبىلىم بەرۋ. ءسىزدىڭ ويىڭىزشا، وسى ىنتىماقتاستىقتىڭ قاي باعىتى قازاقستان مەن يوردانيانىڭ ۇزاق مەرزىمدى ستراتەگيالىق سەرىكتەستىگىنىڭ ىرگەتاسىنا اينالۋى ىقتيمال؟
- اقپاندا امماندا وتكەن كەلىسسوزدەر قازاقستان مەن يوردانيا اراسىنداعى قارىم-قاتىناستاردى ساپالىق جاڭا دەڭگەيگە شىعاردى. سول ۋاعدالاستىقتاردىڭ ءقازىر ناقتى جوبالارعا اينالۋى ءبىزدىڭ ستراتەگيالىق سەرىكتەستىكتىڭ جۇيەلى تۇردە دامىپ كەلە جاتقانىنىڭ ايعاعى. قازاقستان مەن يوردانيا بيزنەس-فورۋمىندا اۋىل شارۋاشىلىعى، فارماسيەۆتيكا، سيفرلاندىرۋ جانە ءبىلىم بەرۋ سالالارى ستراتەگيالىق سەرىكتەستىكتىڭ باستى باعىتتارى رەتىندە اتالدى. وسىنىڭ ءبارى مەملەكەت باسشىسى قاسىم-جومارت توقايەۆتىڭ اقىلعا نەگىزدەلگەن سىرتقى ساياساتىنىڭ جانە اقپانداعى اممان ساپارىنان كەيىنگى ناقتى قادامداردىڭ جەمىسى دەپ سانايمىن.
- قازاقستان مەن يوردانيا اراسىنداعى بۇگىنگى كەلىسسوزدەر تەك ەكىجاقتى ساۋدا مەن ينۆەستيسياعا عانا ەمەس، سونىمەن قاتار ايماقتىق تۇراقتىلىق پەن جاھاندىق قاۋىپسىزدىككە دە ىقپال ەتۋى مۇمكىن. وسى ساپاردىڭ گەوساياسي ماڭىزى تۋرالى پىكىرىڭىز قانداي؟
- بۇل ساپاردىڭ گەوساياسي ماڭىزى وتە جوعارى. قازاقستان مەن يوردانيا تەك ەكىجاقتى ەكونوميكالىق ارىپتەستىكتى دامىتىپ قانا قويماي، بۇكىل ايماقتاعى تۇراقتىلىق پەن قاۋىپسىزدىككە ۇلەس قوسۋدا.
اقپاندا كورول ابداللا ءىى مەن پرەزيدەنت قاسىم-جومارت توقايەۆتىڭ اممانداعى كەزدەسۋى ەكى ەلدىڭ ايماقتىق بەيبىتشىلىككە دەگەن ورتاق ۇمتىلىسىن بەكىتە ءتۇستى. بۇگىنگى كەلىسسوزدەر سول كەلىسىمدەردىڭ قيسىندى جالعاسى بولىپ تابىلادى.
قازاقستان – ەۋرازياداعى، ال يوردانيا – تاياۋ شىعىستاعى بەيبىتشىلىك پەن كەلىسىم ساياساتىن ۇستاناتىن مەملەكەتتەر. سوندىقتان ەكى ەلدىڭ ديالوگى جاھاندىق دەڭگەيدە سەنىم قۇرۋعا جانە كوپجاقتى ديپلوماتيانى كۇشەيتۋگە ناقتى ۇلەس قوسادى.
- كورول ابداللا II قاسىم-جومارت توقايەۆقا تابىس ەتكەن «ال-ناحدا» وردەنىن قازاقستان مەن يوردانيا اراسىنداعى دوستىق پەن سەرىكتەستىكتىڭ سيمۆولى رەتىندە قالاي باعالار ەدىڭىز؟
- بۇل ماراپات تەك جەكە تۇلعاعا بەرىلگەن قۇرمەت ەمەس، ول قازاقستان مەن يوردانيا اراسىنداعى دوستىق پەن سەرىكتەستىكتىڭ جوعارى دەڭگەيدەگى سيمۆولى. بۇل قادام ەكى ەل باسشىلارىنىڭ اراسىنداعى سەنىمنىڭ تەرەڭدىگىن كورسەتىپ قانا قويماي، حالىقتار اراسىنداعى باۋىرلاستىق بايلانىستاردى دا بەكەمدەيدى. اسىرەسە اقپانداعى اممان ساپارىنان كەيىن ءبىزدىڭ قارىم-قاتىناسىمىزدىڭ ودان ءارى نىعايىپ، جاڭا سەرپىن العانىن ەسكەرسەك، بۇل وردەن ءوزارا سىيلاستىق پەن ستراتەگيالىق ارىپتەستىكتىڭ جارقىن ايعاعى.
