Qazaqstanda kiik múiizin zańsyz aýlaý jáne kontrabandalaý arnasynyń joly kesildi, dep habarlaidy Dalanews.kz.
Alǵashqy brakonerler toby Qazaqstan Respýblikasynyń Ishki ister ministrligi-niń úilestirýimen Qaraǵandy oblysynyń kriminaldyq politsiia qyzmetkerleri tarapynan 2025 jyldyń tamyz aiynda ustalǵan. Tergeý dereginshe, úsh kúdikti saiǵaqty zańsyz aýlap, onyń derivattaryn satý maqsatynda áreket etken. Kúdiktilerden jalpy salmaǵy shamamen 400 keli bolatyn 1 127 kiik múiizi, sondai-aq eki tegis uńǵyly ańshylyq myltyq tárkilendi.
IIM málimetinshe, ustalǵandardyń bailanystaryn tekserý barysynda 24 jeltoqsanda Pavlodar oblysynda Qazaqstan men Resei shekarasynda ekinshi top qolǵa tústi. Bul topta eki adam bolǵan, olardyń biri — shetel azamaty.
Vedomstvonyń habarlaýynsha, kúdiktiler memlekettik shekara arqyly 1 882 saiǵaq múiizin kontrabandalyq jolmen alyp ótpek bolǵan. Múiizder júk kóliginiń arnaiy jabdyqtalǵan jasyryn qýysyna aldyn ala tyǵylǵan. Atalǵan fakti boiynsha qylmystyq is qozǵalyp, tergeý júrgizilip jatyr.
