قازاقستاندا كيٸك مٷيٸزٸن زاڭسىز اۋلاۋ جەنە كونتراباندالاۋ ارناسىنىڭ جولى كەسٸلدٸ, دەپ حابارلايدى Dalanews.kz.
العاشقى براكونەرلەر توبى قازاقستان رەسپۋبليكاسىنىڭ ٸشكٸ ٸستەر مينيسترلٸگٸ-نٸڭ ٷيلەستٸرۋٸمەن قاراعاندى وبلىسىنىڭ كريمينالدىق پوليتسييا قىزمەتكەرلەرٸ تاراپىنان 2025 جىلدىڭ تامىز ايىندا ۇستالعان. تەرگەۋ دەرەگٸنشە, ٷش كٷدٸكتٸ سايعاقتى زاڭسىز اۋلاپ, ونىڭ دەريۆاتتارىن ساتۋ ماقساتىندا ەرەكەت ەتكەن. كٷدٸكتٸلەردەن جالپى سالماعى شامامەن 400 كەلٸ بولاتىن 1 127 كيٸك مٷيٸزٸ, سونداي-اق ەكٸ تەگٸس ۇڭعىلى اڭشىلىق مىلتىق تەركٸلەندٸ.
ٸٸم مەلٸمەتٸنشە, ۇستالعانداردىڭ بايلانىستارىن تەكسەرۋ بارىسىندا 24 جەلتوقساندا پاۆلودار وبلىسىندا قازاقستان مەن رەسەي شەكاراسىندا ەكٸنشٸ توپ قولعا تٷستٸ. بۇل توپتا ەكٸ ادام بولعان, ولاردىڭ بٸرٸ — شەتەل ازاماتى.
ۆەدومستۆونىڭ حابارلاۋىنشا, كٷدٸكتٸلەر مەملەكەتتٸك شەكارا ارقىلى 1 882 سايعاق مٷيٸزٸن كونتراباندالىق جولمەن الىپ ٶتپەك بولعان. مٷيٸزدەر جٷك كٶلٸگٸنٸڭ ارنايى جابدىقتالعان جاسىرىن قۋىسىنا الدىن الا تىعىلعان. اتالعان فاكتٸ بويىنشا قىلمىستىق ٸس قوزعالىپ, تەرگەۋ جٷرگٸزٸلٸپ جاتىر.
