Peterbýrg halyqaralyq ekonomikalyq forýmy aiasynda Qazaqstan premer-ministriniń birinshi orynbasary Roman Skliar Resei Federatsiiasy úkimeti tóraǵasynyń orynbasary Vitalii Savelevpen kezdesti, dep habarlaidy Dalanews.kz.
Taraptar temirjol jáne avtomobil kóligi, azamattyq aviatsiia, onyń ishinde jolaýshylar jáne júk tasymaly, jol-kólik infraqurylymyn jańǵyrtý, sondai-aq halyqaralyq kólik dálizderin damytý salalaryndaǵy ózara is-qimyldyń joǵary deńgeiin rastady.
"Qazaqstan men Reseidiń iri qalalary arasyndaǵy iskerlik jáne týristik trafiktiń ósip kele jatqanyn eskere otyryp, áýe reisteriniń sanyn ulǵaitý perspektivalary talqylandy", - dep habarlady úkimettiń baspasóz qyzmeti.
Roman Skliar shekara mańyndaǵy avtomobil ótkizý pýnktterin jańǵyrtý boiynsha júrgizilip jatqan jumystar týraly habardar etti.
Bul rette ol birlesken kúsh-jigerdi úndestirýdiń, onyń ishinde Batys Qytai – Batys Eýropa, Reseiden Soltústik – Ońtústik baǵyttary boiynsha Qazaqstan aýmaǵy arqyly Parsy shyǵanaǵy porttaryna halyqaralyq tranzitti ulǵaitýdyń mańyzdylyǵyn atap ótti.
Osyǵan bailanysty taraptar temirjol júk tasymaldaryna tarif belgileý máselelerinde kelisilgen is-qimyldardyń mańyzdylyǵyn atap ótti.
Kezdesý qorytyndysy boiynsha taraptar Qazaqstan-Resei shekarasyndaǵy avtomobil ótkizý pýnktteriniń jumysyn birlesip tekserýge kelisti.
