Reseilik saiasatker Boris Nadejdin Qazaqstan men Reseidiń bolashaǵyna qatysty boljamyn aitty, - dep habarlaidy Dalanews.kz.
Aita keteiik, reseilik saiasatker Boris Nadejdin prezident sailaýynda kóbirek daýys jinai bastaǵan kezinde jarystan alynyp tastalǵan bolatyn.
"Menen Qazaqstan men Reseidiń bolashaqtaǵy qarym-qatynasy qandai bolatyny týraly jii suraidy. Jaýaby bir: eger men prezident bolsam, eki eldiń qarym-qatynasyna bailanysty suraqtyń jaýaby túsiniktirek bolady, sebebi mende imperiialyq sindrom joq. Resei imperiiasyn qaita qurý oiymda joq. Mysaly Ýkrainaǵa qarsy áskeri qaqtyǵysty bastamas edim. Qazaqstannyń orystildi soltústik aimaǵynyń kartasyna da tiispes edim. Ol ne úshin qajet? Men Qazaqstandy imperiianyń qaldyǵy retinde emes, egemen memleket retinde, absoliýt teń quqyly seriktes retinde qarastyrar edim", - deidi Nadejdin Exclusive.kz saityna bergen suhbatynda.
Onyń sózinshe, Qazaqstan men Resei arasynda soǵys bolýy ekitalai, biraq qaýip bar.
"Kremlde bir adam ne dese sol bolady. Ol adam – Pýtin. Biraq onyń da túrli keńesshisi bar. "Olardy Kreml munarasy" dep ataimyz, árqaisynyń ártúrli propagandaǵa qurylǵan óz oiy bar. Bastapqyda Qazaqstan týraly birtúrli málimdemelerdi Jirinovskii jasady, sosyn Solovev shyqty, bul olardyń aitqan sózderi Resei basshylyǵynyń oiynda júrgen nárse degen sóz.
Solovev oidan qurastyrmaidy ǵoi, ol bir belgi berip otyr. Sondyqtan ýkrainalyq stsenarii qaitalanýy ekitalai, biraq barlyq nárseni eskerip júrý kerek. Ol adamdardyń oiynda ne bary túsiniksiz", - deidi Boris Nadejdin.
