رەسەيلىك ساياساتكەر بوريس نادەجدين قازاقستان مەن رەسەيدىڭ بولاشاعىنا قاتىستى بولجامىن ايتتى، - دەپ حابارلايدى Dalanews.kz.
ايتا كەتەيىك، رەسەيلىك ساياساتكەر بوريس نادەجدين پرەزيدەنت سايلاۋىندا كوبىرەك داۋىس جيناي باستاعان كەزىندە جارىستان الىنىپ تاستالعان بولاتىن.
"مەنەن قازاقستان مەن رەسەيدىڭ بولاشاقتاعى قارىم-قاتىناسى قانداي بولاتىنى تۋرالى ءجيى سۇرايدى. جاۋابى ءبىر: ەگەر مەن پرەزيدەنت بولسام، ەكى ەلدىڭ قارىم-قاتىناسىنا بايلانىستى سۇراقتىڭ جاۋابى تۇسىنىكتىرەك بولادى، سەبەبى مەندە يمپەريالىق سيندروم جوق. رەسەي يمپەرياسىن قايتا قۇرۋ ويىمدا جوق. مىسالى ۋكرايناعا قارسى اسكەري قاقتىعىستى باستاماس ەدىم. قازاقستاننىڭ ءورىستىلدى سولتۇستىك ايماعىنىڭ كارتاسىنا دا تيىسپەس ەدىم. ول نە ءۇشىن قاجەت؟ مەن قازاقستاندى يمپەريانىڭ قالدىعى رەتىندە ەمەس، ەگەمەن مەملەكەت رەتىندە، ابسوليۋت تەڭ قۇقىلى سەرىكتەس رەتىندە قاراستىرار ەدىم"، - دەيدى نادەجدين Exclusive.kz سايتىنا بەرگەن سۇحباتىندا.
ونىڭ سوزىنشە، قازاقستان مەن رەسەي اراسىندا سوعىس بولۋى ەكىتالاي، ءبىراق ءقاۋىپ بار.
"كرەملدە ءبىر ادام نە دەسە سول بولادى. ول ادام – پۋتين. ءبىراق ونىڭ دا ءتۇرلى كەڭەسشىسى بار. "ولاردى كرەمل مۇناراسى" دەپ اتايمىز، ءارقايسىنىڭ ءارتۇرلى پروپاگانداعا قۇرىلعان ءوز ويى بار. باستاپقىدا قازاقستان تۋرالى ءبىرتۇرلى مالىمدەمەلەردى جيرينوۆسكيي جاسادى، سوسىن سولوۆيەۆ شىقتى، بۇل ولاردىڭ ايتقان سوزدەرى رەسەي باسشىلىعىنىڭ ويىندا جۇرگەن نارسە دەگەن ءسوز.
سولوۆيەۆ ويدان قۇراستىرمايدى عوي، ول ءبىر بەلگى بەرىپ وتىر. سوندىقتان ۋكراينالىق سەناريي قايتالانۋى ەكىتالاي، ءبىراق بارلىق نارسەنى ەسكەرىپ ءجۇرۋ كەرەك. ول ادامداردىڭ ويىندا نە بارى تۇسىنىكسىز"، - دەيدى بوريس نادەجدين.
