Qasym-Jomart Toqaev pen Vladimir Pýtin buqaralyq aqparat quraldary ókilderi aldynda birlesken málimdeme jasady, dep habarlaidy dalanews.kz.
Qasym Jomart Toqaevtyń pikirinshe, energetikany yntymaqtastyqtyń asa tabysty baǵyty retinde qarastyrýǵa tolyq negiz bar.
"Meniń oiymsha, búgin qol qoiylǵan "Balqash" atom elektr stantsiiasyn salýǵa qatysty kelisimderdiń strategiialyq mańyzy zor. Osy aýqymdy jobany batyl qoldaǵany úshin Resei Federatsiiasynyń prezidentine rizashylyǵymdy jetkizemin. Bul bastama ǵylym-bilim, tehnologiia salalaryndaǵy yqpaldastyqty ilgeriletip, energetika men indýstriiaǵa qatysty aralas baǵyttardyń damýyn qamtamasyz etedi. Qazaqstan men Resei úshin energiia resýrstaryn jáne elektr energiiasyn óndirý, tasymaldaý, ishki ári syrtqy naryqtarǵa jetkizý máselelerin tabysty sheshýdiń máni zor. Eýraziiadaǵy kólik bailanysy kóbine bizdiń elderimizge táýeldi. Qazaqstan men Resei Soltústik – Ońtústik, Shyǵys – Batys qurlyqaralyq dálizderin damytý jolynda jemisti jumys atqaryp jatyr. Tarifterdi ońtailandyrý, ákimshilik rásimderdi qysqartý, shekara mańyndaǵy jáne basqa da infraqurylymdy jańǵyrtý úshin júieli sharalar qabyldanǵany qýantady. Sonyń nátijesinde júk tasymaly turaqty túrde artyp keledi, byltyrǵy qorytyndy boiynsha 92 million tonnaǵa jetti. Bul - shamamen 3,4 paiyz ósim. Bul kórsetkishterdi ulǵaitý josparlanǵan. Ol úshin ozyq tsifrlyq sheshimder men jasandy intellekt tehnologiialaryn engizemiz. Memleketterimiz arasynda júrgizýshisiz júk kólikteriniń qozǵalysyn iske qosý – osy istiń jarqyn mysaly. Ǵarysh salasyndaǵy yntymaqtastyqtyń keleshegi zor. "Baiqońyr" kosmodromy kóp jyldan beri jemisti ǵylymi-tehnikalyq seriktestigimizdiń simvoly retinde qyzmet etip keledi. "Báiterek" birlesken jobasynyń júzege asyrylýy, sonyń ishinde jaqynda "Suńqar/Coiýz-5" jańa zymyran tasyǵyshynyń sátti ushyrylýy ǵarysh qyzmetin usynatyn halyqaralyq naryqtaǵy elderimizdiń pozitsiiasyn nyǵaitýǵa jol ashady", – dedi Memleket basshysy.
