Kólik ministrligi Qazaqstan-Qytai shekarasynda ornalasqan Dostyq aýylynyń mańynda jańa halyqaralyq saýda-logistikalyq ortalyq óz jumysyn bastaǵanyn jetkizdi, dep habarlaidy Dalanews.kz.
Bul jobany Dostyk Storage JShS memlekettik kirister komitetimen birlesip júzege asyrǵan bolatyn. Kózdelgen negizgi maqsat – transshekaralyq logistikalyq infraqurylymdy damytý jáne "Alakól" jol ótkeliniń ótkizý qabiletin arttyrý.
Buǵan deiin Toqaev júk kólikteriniń Qazaqstan-Qytai shekarasy arqyly ótýin jedeldetý týraly birneshe ret aitqan bolatyn.
"Júkterdi óńdeý jáne saqtaý úshin osyndai ortalyqtar ashý memleket basshysynyń tapsyrmasy sheńberinde júzege asyrylýda. Bul ortalyq óz kezeginde shyǵys shekaramyzdaǵy alǵashqy ortalyq ári Dostyq – Shyǵys Qazaqstan men Eýropa shekarasyndaǵy eń ozyq bastama", - dedi keshenniń ashylý saltanatynda kólik vitse-ministri Maqsat Qaliaqparov.
Dostyk Storage qoimasynyń qurylysy qysqa merzimde júzege asyryldy. Jańa qoima kesheni "Dostyq" kedeniniń "Alakól" keden beketiniń ótkizý qyzmetin táýligine 200-den 600 júk kóligine deiin arttyryp, táýliktik júk ainalymyn 4 myńnan 12 myń tonnaǵa deiin arttyrady dep kútilýde. Bul júk ainalymyn 1 million tonnadan 3 million tonnaǵa deiin arttyrady.
"Qazirgi tańda "Alakól" keden beketi arqyly bir baǵytta nebári 180 kólik ótedi. Biyl bul beketti jańǵyrtý jumystaryn aiaqtap, júk aǵynyn 500 kólikke deiin ulǵaitýdy kózdep otyrmyz",- dedi memlekettik kirister komitetiniń tóraǵasy Jandos Dúisembiev.
Aita keteri, Dostyk Storage JShS logistikalyq ortalyǵy 13,5 gektar aýmaqta ornalasqan. Onyń 3,5 gektaryn úi-jailary men qoima infraqurylymy alyp jatyr, al 10 gektary júk kólikterin qoiýǵa bólingen. Jobaǵa arnalǵan jeke investitsiia 2,8 mlrd teńgeden astam somany qurady. Keshen 3 jyldyq merzimge 100 paiyz quryltaishysy memlekettik kirister komiteti bolyp sanalatyn Nur Zholy customs services memlekettik kásipornynyń basqarýyna berildi.
