كٶلٸك مينيسترلٸگٸ قازاقستان-قىتاي شەكاراسىندا ورنالاسقان دوستىق اۋىلىنىڭ ماڭىندا جاڭا حالىقارالىق ساۋدا-لوگيستيكالىق ورتالىق ٶز جۇمىسىن باستاعانىن جەتكٸزدٸ, دەپ حابارلايدى Dalanews.kz.
بۇل جوبانى Dostyk Storage جشس مەملەكەتتٸك كٸرٸستەر كوميتەتٸمەن بٸرلەسٸپ جٷزەگە اسىرعان بولاتىن. كٶزدەلگەن نەگٸزگٸ ماقسات – ترانسشەكارالىق لوگيستيكالىق ينفراقۇرىلىمدى دامىتۋ جەنە "الاكٶل" جول ٶتكەلٸنٸڭ ٶتكٸزۋ قابٸلەتٸن ارتتىرۋ.
بۇعان دەيٸن توقاەۆ جٷك كٶلٸكتەرٸنٸڭ قازاقستان-قىتاي شەكاراسى ارقىلى ٶتۋٸن جەدەلدەتۋ تۋرالى بٸرنەشە رەت ايتقان بولاتىن.
"جٷكتەردٸ ٶڭدەۋ جەنە ساقتاۋ ٷشٸن وسىنداي ورتالىقتار اشۋ مەملەكەت باسشىسىنىڭ تاپسىرماسى شەڭبەرٸندە جٷزەگە اسىرىلۋدا. بۇل ورتالىق ٶز كەزەگٸندە شىعىس شەكارامىزداعى العاشقى ورتالىق ەرٸ دوستىق – شىعىس قازاقستان مەن ەۋروپا شەكاراسىنداعى ەڭ وزىق باستاما", - دەدٸ كەشەننٸڭ اشىلۋ سالتاناتىندا كٶلٸك ۆيتسە-مينيسترٸ ماقسات قالياقپاروۆ.
Dostyk Storage قويماسىنىڭ قۇرىلىسى قىسقا مەرزٸمدە جٷزەگە اسىرىلدى. جاڭا قويما كەشەنٸ "دوستىق" كەدەنٸنٸڭ "الاكٶل" كەدەن بەكەتٸنٸڭ ٶتكٸزۋ قىزمەتٸن تەۋلٸگٸنە 200-دەن 600 جٷك كٶلٸگٸنە دەيٸن ارتتىرىپ, تەۋلٸكتٸك جٷك اينالىمىن 4 مىڭنان 12 مىڭ تونناعا دەيٸن ارتتىرادى دەپ كٷتٸلۋدە. بۇل جٷك اينالىمىن 1 ميلليون توننادان 3 ميلليون تونناعا دەيٸن ارتتىرادى.
"قازٸرگٸ تاڭدا "الاكٶل" كەدەن بەكەتٸ ارقىلى بٸر باعىتتا نەبەرٸ 180 كٶلٸك ٶتەدٸ. بيىل بۇل بەكەتتٸ جاڭعىرتۋ جۇمىستارىن اياقتاپ, جٷك اعىنىن 500 كٶلٸككە دەيٸن ۇلعايتۋدى كٶزدەپ وتىرمىز",- دەدٸ مەملەكەتتٸك كٸرٸستەر كوميتەتٸنٸڭ تٶراعاسى جاندوس دٷيسەمبيەۆ.
ايتا كەتەرٸ, Dostyk Storage جشس لوگيستيكالىق ورتالىعى 13,5 گەكتار اۋماقتا ورنالاسقان. ونىڭ 3,5 گەكتارىن ٷي-جايلارى مەن قويما ينفراقۇرىلىمى الىپ جاتىر, ال 10 گەكتارى جٷك كٶلٸكتەرٸن قويۋعا بٶلٸنگەن. جوباعا ارنالعان جەكە ينۆەستيتسييا 2,8 ملرد تەڭگەدەن استام سومانى قۇرادى. كەشەن 3 جىلدىق مەرزٸمگە 100 پايىز قۇرىلتايشىسى مەملەكەتتٸك كٸرٸستەر كوميتەتٸ بولىپ سانالاتىن Nur Zholy customs services مەملەكەتتٸك كەسٸپورنىنىڭ باسقارۋىنا بەرٸلدٸ.
