2024 jyldyń qańtar-mamyr aralyǵynda Qazaqstan men Qytai arasyndaǵy júkterdi tasymaldaýdyń oń dinamikasy baiqalady, dep habarlaidy Dalanews.kz.
Temirjol kóligimen tasymaldaý kólemi ótken jyldyń sáikes kezeńimen salystyrǵanda 12,4% - ke ulǵaiyp, 12,8 mln tonnany qurady. Onyń ishinde QHR baǵytyndaǵy qazaqstandyq júkterdiń eksporty 1 mln tonnaǵa, iaǵni 5,7 mln tonnaǵa deiin ósti.
Metall keni 37 myń tonnaǵa (3,3 mln tonna), kómir 79 myń tonnaǵa (82,5 myń tonna), qara metall 296 myń tonnaǵa (447 myń tonna), munai 90 myń tonnaǵa (125 myń tonna), himiialyq júk 21 myń tonnaǵa (43 myń tonna) ósti. Untaq ónimderiniń (282 myń tonnaǵa deiin) jáne tústi metaldardyń (279 myń tonnaǵa deiin) eksporty 50% - ke ósti.
Aǵymdaǵy jyldyń 5 aiynda 81,3 myń tonna ósimdik maiy tasymaldandy, bul 2023 jyldyń uqsas kórsetkishinen 28% - ke artyq.
Temirjol tasymaly - Qazaqstan men Qytai, sondai-aq QHR men Eýropa arasyndaǵy júkterdi áketý men ákelýdiń eń senimdi jáne qaýipsiz tásili. Elder "Bir beldeý, bir jol" bastamasy aiasynda yntymaqtasýda. Respýblika arqyly avtotehnika, toqyma, qurylys materialdary, ósimdik mailary, metall keni, himiialyq quraldar men meditsinalyq jabdyqtary bar vagondar ótedi. Júkter Qazaqstan – Qytai shekarasynyń Dostyq – Alashańqai jáne Altynkól – Qorǵas temirjol ótkelderinde óńdeledi, jalpy tasymaldaý qýaty jylyna 28 mln tonna. Baqty – Chýgýchak úshinshi temirjol ótkizý pýnkti iske qosylǵan kezde Qytai men Qazaqstan arasyndaǵy tasymaldaý kólemi jylyna 48 mln tonnaǵa deiin ósedi. Elimizdiń tranzittik-kóliktik áleýetin damytý úshin QTJ 1300 km jańa temir jol salady, onyń ishinde biylǵy jyly Dostyq-Moiynty eki joldy jelisi paidalanýǵa beriledi, bul ýchaskeniń ótkizý qabiletin 5 esege arttyrady.
