QR Premer-ministriniń birinshi orynbasary Roman Skliar Qytai Halyq Respýblikasyna jumys sapary aiasynda Qazaqstan-Qytai Yntymaqtastyq komitetiniń 12-shi otyrysyna qatysty, dep habarlaidy Dalanews.kz.
Úkimettiń baspasóz qyzmetiniń habarlaýynsha, komitet otyrysy barysynda eki eldiń ortalyq memlekettik organdary ókilderiniń qatysýymen kedergisiz saýdany damytý úshin qolaily jaǵdai jasaý, eki eldiń kóliktik ózara bailanysyn nyǵaitý, óndiristi lokalizatsiialaý arqyly Qazaqstan aýmaǵynda birlesken investitsiialyq jobalardy iske asyrý, sondai-aq mádeni-gýmanitarlyq yntymaqtastyqty keńeitý máseleleri talqylandy.
Is-shara qorytyndysy boiynsha taraptar Qazaqstan-Qytai Yntymaqtastyq komiteti 12-shi otyrysynyń hattamasyna qol qoidy. Taraptar Komitettiń qyzmetin jetildirý maqsatynda onyń quramyna Indýstriialyq-investitsiialyq yntymaqtastyq jónindegi úilestirý komitetin qosý jáne Bilim salasyndaǵy yntymaqtastyq jóninde kishi komitet qurý týraly sheshim qabyldady. Sondai-aq taraptar sý resýrstary jáne muraǵat salasyndaǵy vedomstvoaralyq yntymaqtastyqty nyǵaitý jónindegi qujattarǵa qol qoidy.
QHR Memlekettik keńesi Premeriniń orynbasary Din Siýesianmen ekijaqty kelissózder barysynda Qazaqstan men QHR úkimetteri yntymaqtastyǵynyń negizgi baǵyttary talqylandy, sondai-aq saýda, investitsiialar, kólik jáne logistika, aýyl sharýashylyǵy, energetika, týrizm salalaryndaǵy ózara is-qimyldy nyǵaitýǵa erekshe nazar aýdaryldy.
Taraptar Qazaqstan men Qytaidyń arasyndaǵy keń aýqymdy máseleler boiynsha yntymaqtastyqtyń damý dinamikasyn oń baǵalady. Ótken jyldyń qorytyndysy boiynsha ekijaqty saýda kólemi 43,8 mlrd dollardy qurady.
Sapar aiasynda qytailyq kompaniialarmen – metallýrgiia, energetika, mashina jasaý jáne agroónerkásiptik keshen salalarynyń kóshbasshylarymen birqatar kezdesýler ótti. Qazaqstandyq delegatsiia quramynda salalyq ministrlikter men iri otandyq kásiporyndardyń basshylary boldy.
Qazaqstanda kómir himiiasy, kólik jasaý, aýyl sharýashylyǵy ónimderin tereń óńdeý jáne jańartylatyn energiia kózderi salasyndaǵy birlesken investitsiialyq jobalardy iske asyrý keleshekteri talqylandy.
Premer-ministrdiń birinshi orynbasary ónerkásipti damytý elimiz úshin mańyzdy basym mindet bolyp sanalatynyn atap ótip, qytailyq kompaniialardy qazaqstandyq biznes-qoǵamdastyqpen tyǵyz áriptestikke shaqyrdy.
Óz kezeginde Qytaidyń jetekshi kompaniialarynyń ókilderi strategiialyq jobalardy iske asyrý úshin senimdi seriktes retinde Qazaqstanǵa qyzyǵýshylyq tanytty.
