ق ر پرەمەر-مينيسترىنىڭ ءبىرىنشى ورىنباسارى رومان سكليار جۇڭگو حالىق رەسپۋبليكاسىنا جۇمىس ساپارى اياسىندا قازاقستان-قىتاي ىنتىماقتاستىق كوميتەتىنىڭ 12ء-شى وتىرىسىنا قاتىستى، دەپ حابارلايدى Dalanews.kz.
ۇكىمەتتىڭ باسپا ءسوز قىزمەتىنىڭ حابارلاۋىنشا، كوميتەت وتىرىسى بارىسىندا ەكى ەلدىڭ ورتالىق مەملەكەتتىك ورگاندارى وكىلدەرىنىڭ قاتىسۋىمەن كەدەرگىسىز ساۋدانى دامىتۋ ءۇشىن قولايلى جاعداي جاساۋ، ەكى ەلدىڭ كولىكتىك ءوزارا بايلانىسىن نىعايتۋ، ءوندىرىستى لوكاليزاسيالاۋ ارقىلى قازاقستان اۋماعىندا بىرلەسكەن ينۆەستيسيالىق جوبالاردى ىسكە اسىرۋ، سونداي-اق مادەني-گۋمانيتارلىق ىنتىماقتاستىقتى كەڭەيتۋ ماسەلەلەرى تالقىلاندى.
ءىس-شارا قورىتىندىسى بويىنشا تاراپتار قازاقستان-قىتاي ىنتىماقتاستىق كوميتەتى 12ء-شى وتىرىسىنىڭ حاتتاماسىنا قول قويدى. تاراپتار كوميتەتتىڭ قىزمەتىن جەتىلدىرۋ ماقساتىندا ونىڭ قۇرامىنا يندۋستريالىق-ينۆەستيسيالىق ىنتىماقتاستىق جونىندەگى ۇيلەستىرۋ كوميتەتىن قوسۋ جانە ءبىلىم سالاسىنداعى ىنتىماقتاستىق جونىندە كىشى كوميتەت قۇرۋ تۋرالى شەشىم قابىلدادى. سونداي-اق تاراپتار سۋ رەسۋرستارى جانە مۇراعات سالاسىنداعى ۆەدومستۆوارالىق ىنتىماقتاستىقتى نىعايتۋ جونىندەگى قۇجاتتارعا قول قويدى.
قحر مەملەكەتتىك كەڭەسى پرەمەرىنىڭ ورىنباسارى دين سيۋەسيانمەن ەكىجاقتى كەلىسسوزدەر بارىسىندا قازاقستان مەن قحر ۇكىمەتتەرى ىنتىماقتاستىعىنىڭ نەگىزگى باعىتتارى تالقىلاندى، سونداي-اق ساۋدا، ينۆەستيسيالار، كولىك جانە لوگيستيكا، اۋىل شارۋاشىلىعى، ەنەرگەتيكا، تۋريزم سالالارىنداعى ءوزارا ءىس-قيمىلدى نىعايتۋعا ەرەكشە نازار اۋدارىلدى.
تاراپتار قازاقستان مەن قىتايدىڭ اراسىنداعى كەڭ اۋقىمدى ماسەلەلەر بويىنشا ىنتىماقتاستىقتىڭ دامۋ ديناميكاسىن وڭ باعالادى. وتكەن جىلدىڭ قورىتىندىسى بويىنشا ەكىجاقتى ساۋدا كولەمى 43،8 ملرد دوللاردى قۇرادى.
ساپار اياسىندا قىتايلىق كومپانيالارمەن – مەتاللۋرگيا، ەنەرگەتيكا، ماشينا جاساۋ جانە اگروونەركاسىپتىك كەشەن سالالارىنىڭ كوشباسشىلارىمەن ءبىرقاتار كەزدەسۋلەر ءوتتى. قازاقستاندىق دەلەگاسيا قۇرامىندا سالالىق مينيسترلىكتەر مەن ءىرى وتاندىق كاسىپورىنداردىڭ باسشىلارى بولدى.
قازاقستاندا كومىر حيمياسى، كولىك جاساۋ، اۋىل شارۋاشىلىعى ونىمدەرىن تەرەڭ وڭدەۋ جانە جاڭارتىلاتىن ەنەرگيا كوزدەرى سالاسىنداعى بىرلەسكەن ينۆەستيسيالىق جوبالاردى ىسكە اسىرۋ كەلەشەكتەرى تالقىلاندى.
پرەمەر-مينيستردىڭ ءبىرىنشى ورىنباسارى ونەركاسىپتى دامىتۋ ەلىمىز ءۇشىن ماڭىزدى باسىم مىندەت بولىپ سانالاتىنىن اتاپ ءوتىپ، قىتايلىق كومپانيالاردى قازاقستاندىق بيزنەس-قوعامداستىقپەن تىعىز ارىپتەستىككە شاقىردى.
ءوز كەزەگىندە قىتايدىڭ جەتەكشى كومپانيالارىنىڭ وكىلدەرى ستراتەگيالىق جوبالاردى ىسكە اسىرۋ ءۇشىن سەنىمدى سەرىكتەس رەتىندە قازاقستانعا قىزىعۋشىلىق تانىتتى.
