Qazaqstan men Ázerbaijannyń telekom-operatorlary Kaspii teńiziniń túbimen bailanys jelisin tartady, dep habarlaidy Dalanews.kz.
"Samuryq-Qazyna" qorynyń portfeldik kompaniiasy – "Qazaqtelekom" AQ men "AzerTelecom Int." kompaniiasy birlesip, Kaspii teńiziniń túbimen sýasty talshyqty-optikalyq bailanys jelisin (TOBJ) salý boiynsha aýqymdy jobany iske asyryp jatyr. Aqtaý – Sýmgaiyt baǵyty boiynsha jeliniń uzyndyǵy shamamen 380 shaqyrymdy quraidy", delingen habarlamada.
Joba aiasynda teńizde zertteýler júrgiziledi, sýasty kabeli daiyndalyp, Kaspii teńizine jetkiziledi jáne bekitilgen baǵyt boiynsha tóseledi.
Jańa sýasty TOBJ derekterdiń senimdi jiberilýin qamtamasyz etedi. Joba tsifrlyq infraqurylymdy damytýǵa, onyń ishinde derekterdi óńdeý ortalyqtaryn jáne iri tehnologiialyq BigTech kompaniialardy óńirge tartý múmkindigine jol ashady.
Aita ketý kerek, bul Kaspii teńizinde tarihtaǵy alǵashqy sýasty bailanys jelisi bolmaq.
