Biyl 1 qyrkúiekten bastap elimizdegi barlyq bilim berý uiymdarynda balalarǵa arnalǵan jeke qaýipsizdik sabaqtary qaita qolǵa alynady, dep habarlaidy Dalanews.kz.
Bul sabaqtardyń maqsaty – balalardy túrli ómirlik jaǵdailarda durys áreket etýge úiretý, óz qaýipsizdigine jaýapkershilikpen qaraýdy qalyptastyrý.
Jeke qaýipsizdik sabaqtary barlyq deńgeidegi bilim berý mekemelerinde ótedi – balabaqshadan bastap kolledjge deiin. Ár jas tobyna arnalǵan bólek baǵdarlama qarastyrylǵan:
- Balabaqsha tárbielenýshileri – shuǵyl qyzmetterdiń telefon nómirleri, oiyn alańdary men oiyn ortalyqtaryndaǵy qaýipsizdik erejeleri;
- Bastaýysh synyptar – sýdaǵy jáne muzdaǵy qaýipsizdik, beitanys adamdarmen qarym-qatynas, qańǵybas janýarlardan qorǵaný;
- Orta býyn oqýshylary – býlling pen kiberbýllingten saqtaný, qaýipti internet-áýestenýlerden bas tartý, bógde adamdardyń shaqyrýyna ermeý, óz áreketine jaýapkershilik sezimin qalyptastyrý;
- Joǵary synyptar men kolledj stýdentteri – qarjylyq saýattylyq, alaiaqtyqtan qorǵaný, onlain-oiyndardyń qaýip-qateri, eńbek qaýipsizdigi, óz quqyqtary men mindetterin bilý, jeke jaýapkershilik.
Sabaqtar aptasyna bir ret, synyp saǵatynda 10 minýttan ótkiziledi. Ár taqyryp oqý jyly ishinde úsh márte qaitalanady.
Baǵdarlama aiasynda úsh kezeńnen turatyn monitoring júrgizilgen. Muǵalimder men psihologtarǵa arnalǵan konsýltatsiialar men vebinarlar uiymdastyryldy. Oǵan politsiia, TJM jáne densaýlyq saqtaý salasynyń ókilderi de qatysqan. Sabaqtarda saýalnama, joba jumystary, beinerolikter men túrli interaktivti ádister qoldanyldy.
"Praktika kórsetkendei, mundai sabaqtar balalardyń ýaiym-tolqýyn azaitady, qaýipsizdik daǵdylaryn qalyptastyrady ári shynaiy ómirde de, onlain keńistikte de kúrdeli jaǵdailarda durys sheshim qabyldaýǵa úiretedi", — dedi QR Bala quqyqtaryn qorǵaý komitetiniń tóraiymy Nasymjan Ospanova.
Eske sala ketsek, jeke qaýipsizdik sabaqtary 2023–2025 jyldarǵa arnalǵan Balalardy zorlyq-zombylyqtan qorǵaý, sýitsidtiń aldyn alý jáne olardyń quqyqtary men ál-aýqatyn qamtamasyz etý jónindegi keshendi jospar sheńberinde engizilgen.
Buǵan deiin 138 myń qazaqstandyq oqýshy jańa oqý jylyn jańartylǵan mektepterde bastaitynyn habarlaǵan edik.
