Energetika ministrligi 2030 jylǵa deiin elde kómir arqyly elektr energiiasyn óndirýdi damytý josparyn tanystyrdy. Qujatta eldegi elektr qýatynyń tapshylyǵyn azaitý úshin jańa nysandar salý jáne qoldanystaǵy stantsiialardy jańǵyrtý qarastyrylǵan. Jospardyń jalpy quny 8 trln teńgeden asady, dep habarlaidy Dalanews.kz.
Ulttyq jospar aiasynda jiyntyq qýaty 7,6 GVt bolatyn energetikalyq nysandardy salý jáne jańartý kózdelip otyr. Joba boiynsha alty jańa elektr stantsiiasyn iske qosý josparlanǵan. Olardyń qatarynda Ekibastuz GRES-3, sondai-aq Kýrchatov, Kókshetaý, Semei, Óskemen jáne Jezqazǵan qalalaryndaǵy stantsiialar bar.
Sonymen qatar Ekibastuz GRES-2 men Aqsý GRES-in tehnikalyq jańǵyrtý júrgizý josparlanǵan. Ministrlik bul sharalar eldiń energetikalyq qaýipsizdigin nyǵaityp, elektr energiiasyna degen ósip otyrǵan suranysty qamtamasyz etýge baǵyttalǵanyn atap ótti.
