ەنەرگەتيكا مينيسترلٸگٸ 2030 جىلعا دەيٸن ەلدە كٶمٸر ارقىلى ەلەكتر ەنەرگيياسىن ٶندٸرۋدٸ دامىتۋ جوسپارىن تانىستىردى. قۇجاتتا ەلدەگٸ ەلەكتر قۋاتىنىڭ تاپشىلىعىن ازايتۋ ٷشٸن جاڭا نىساندار سالۋ جەنە قولدانىستاعى ستانتسييالاردى جاڭعىرتۋ قاراستىرىلعان. جوسپاردىڭ جالپى قۇنى 8 ترلن تەڭگەدەن اسادى, دەپ حابارلايدى Dalanews.kz.
ۇلتتىق جوسپار اياسىندا جيىنتىق قۋاتى 7,6 گۆت بولاتىن ەنەرگەتيكالىق نىسانداردى سالۋ جەنە جاڭارتۋ كٶزدەلٸپ وتىر. جوبا بويىنشا التى جاڭا ەلەكتر ستانتسيياسىن ٸسكە قوسۋ جوسپارلانعان. ولاردىڭ قاتارىندا ەكٸباستۇز گرەس-3, سونداي-اق كۋرچاتوۆ, كٶكشەتاۋ, سەمەي, ٶسكەمەن جەنە جەزقازعان قالالارىنداعى ستانتسييالار بار.
سونىمەن قاتار ەكٸباستۇز گرەس-2 مەن اقسۋ گرەس-ٸن تەحنيكالىق جاڭعىرتۋ جٷرگٸزۋ جوسپارلانعان. مينيسترلٸك بۇل شارالار ەلدٸڭ ەنەرگەتيكالىق قاۋٸپسٸزدٸگٸن نىعايتىپ, ەلەكتر ەنەرگيياسىنا دەگەن ٶسٸپ وتىرعان سۇرانىستى قامتاماسىز ەتۋگە باعىتتالعانىن اتاپ ٶتتٸ.
