Prezident Qasym-Jomart Toqaevtyń «Qazaqstan jańǵyrýdyń jańa kezeńine qadam basty» atty suhbatynda kólik salasy, avtokólik joldary jáne tranzittik dálizderdi damytý eldiń ekonomikalyq ósýiniń negizgi strategiialyq baǵyty retinde atap ótildi. Sarapshylar bul bastamalardy ulttyq logistika júiesin jańǵyrtýǵa jáne óńirlik ekonomikany kúsheitýge baǵyttalǵan júieli qadam dep baǵalap otyr, dep habarlaidy Dalanews.kz.
Tranzittik dálizder - eldiń geoekonomikalyq kapitaly
«Qazaqstannyń avtojolaýshylar zańdy tulǵalar birlestigi» qaýymdastyǵynyń prezidenti Baǵylan Baimaǵanbetov Memleket basshysynyń suhbatyndaǵy kólik salasyna qatysty aitylǵan oiyna óz pikirin bildirdi.
«Prezident Qasym-Jomart Toqaevtyń «Qazaqstan jańǵyrýdyń jańa kezeńine qadam basty» atty suhbatyndaǵy basty oidyń biri - Qazaqstandy Eýraziia keńistigindegi kólik haby retinde damytý. Bul tek tranzittik aǵyndardy arttyrý emes, logistika naryǵyn ártaraptandyrý, kólik qyzmetterin eksporttaý jáne ulttyq ekonomikanyń jańa kiris kózderin qalyptastyrýǵa baǵyttalǵan strategiialyq baǵdar.
Halyqaralyq dálizderdi kúsheitý - Qazaqstannyń geoekonomikalyq salmaǵyn arttyryp, eldi óńirlik tasymal ekojúiesiniń ortalyǵyna ainaldyrady», - deidi ol.
Avtokólik joldary - óńirlik damýdyń negizgi draiveri
Jol salasynyń ardageri Asqar Sáýkenovtyń aitýynsha, bul jobalar jańa logistikalyq múmkindikter ashady.
«Avtojol infraqurylymy eldegi ekonomikalyq belsendiliktiń qan tamyry ispetti. Prezident Qasym-Jomart Toqaevtyń «Qazaqstan jańǵyrýdyń jańa kezeńine qadam basty» atty suhbatyndaǵy atap ótkendei, joldardyń sapasyn arttyrý - óńirler arasyndaǵy kóliktik bailanys pen júk tasymaly tiimdiligin kúsheitedi.
Jóndeý jáne qaita qurý jobalary óndiris oryndaryna, aýyl sharýashylyǵy aimaqtaryna, shaǵyn qalalarǵa jańa logistikalyq múmkindikter ashady. Bul - jol qurylysynyń áleýmettik-ekonomikalyq áseri joǵary ekenin kórsetedi», - deidi jol salasynyń ardageri.
Kólik júiesin jańǵyrtý - eksport áleýetin ósiredi
Al jol salasynyń injeneri Qaiyrbai Sadýaqasovtyń aitýynsha, bul bastamalar sheteldik seriktestermen yntymaqtastyqty kúsheitetin faktor bolmaq.
«Kólik salasyn júieli jańǵyrtý - tek infraqurylym salý emes, tasymaldaý tizbegin tiimdi basqarý, júk ainalymyn jedeldetý jáne eksport logistikasyn ońtailandyrýdy bildiredi.
Qazaqstan arqyly ótetin halyqaralyq baǵyttarda jetkizý ýaqyty qysqarsa, bizdiń aýmaq tranzit úshin odan da tartymdy bola túsedi. Bul - sheteldik seriktestermen yntymaqtastyqty kúsheitetin faktor. Prezident Qasym-Jomart Toqaevtyń «Qazaqstan jańǵyrýdyń jańa kezeńine qadam basty» atty suhbatynda osy máselelerge erekshe mán berilýi mańyzdy», - deidi Qaiyrbai Sadýaqasov.
Jol infraqurylymy - halyqtyń ómir sapasyna tikelei áser etedi
«Avtokólik joldary - el ekonomikasymen qatar azamattardyń kúndelikti turmys sapasyna áser etetin mańyzdy sala. Qaýipsiz qozǵalys, qoljetimdi qatynas, óńirler arasyndaǵy mobildilik - bári jol infraqurylymymen bailanysty.
Sapaly jol - áleýmettik teńgerimdi qamtamasyz etetin faktor. Prezident Qasym-Jomart Toqaevtyń «Qazaqstan jańǵyrýdyń jańa kezeńine qadam basty» atty suhbatyndaǵy kótergen máseleler osy turǵydan óte ózekti», - deidi jol salasynyń mamany Nurbolat Qýandyqov.
Infraqurylym - uzaq merzimdi investitsiialyq resýrs
«Prezident Qasym-Jomart Toqaevtyń «Qazaqstan jańǵyrýdyń jańa kezeńine qadam basty» atty suhbatyndaǵy infraqurylymǵa salynatyn investitsiialardyń ekonomikalyq qaitarymy uzaq merzimge esepteletini anyq kórsetildi.
Jańa joldar men kólik jelileri - bul óńirlik damýǵa serpin, biznes úshin jańa naryq, logistikalyq aǵyndar úshin jańa marshrýt. Mundai bastamalardyń mýltiplikativtik áseri joǵary», - deidi «Jol aktivteri sapasynyń ulttyq ortalyǵy» RMK departament direktory Qýanysh Tóleýhanov.
