پرەزيدەنت قاسىم-جومارت توقايەۆتىڭ «قازاقستان جاڭعىرۋدىڭ جاڭا كەزەڭىنە قادام باستى» اتتى سۇحباتىندا كولىك سالاسى، اۆتوكولىك جولدارى جانە ترانزيتتىك دالىزدەردى دامىتۋ ەلدىڭ ەكونوميكالىق ءوسۋىنىڭ نەگىزگى ستراتەگيالىق باعىتى رەتىندە اتاپ ءوتىلدى. ساراپشىلار بۇل باستامالاردى ۇلتتىق لوگيستيكا جۇيەسىن جاڭعىرتۋعا جانە وڭىرلىك ەكونوميكانى كۇشەيتۋگە باعىتتالعان جۇيەلى قادام دەپ باعالاپ وتىر، دەپ حابارلايدى Dalanews.kz.
ترانزيتتىك دالىزدەر - ەلدىڭ گەوەكونوميكالىق كاپيتالى
«قازاقستاننىڭ اۆتوجولاۋشىلار زاڭدى تۇلعالار بىرلەستىگى» قاۋىمداستىعىنىڭ پرەزيدەنتى باعىلان بايماعانبەتوۆ مەملەكەت باسشىسىنىڭ سۇحباتىنداعى كولىك سالاسىنا قاتىستى ايتىلعان ويىنا ءوز پىكىرىن ءبىلدىردى.
«پرەزيدەنت قاسىم-جومارت توقايەۆتىڭ «قازاقستان جاڭعىرۋدىڭ جاڭا كەزەڭىنە قادام باستى» اتتى سۇحباتىنداعى باستى ويدىڭ ءبىرى - قازاقستاندى ەۋرازيا كەڭىستىگىندەگى كولىك حابى رەتىندە دامىتۋ. بۇل تەك ترانزيتتىك اعىنداردى ارتتىرۋ ەمەس، لوگيستيكا نارىعىن ءارتاراپتاندىرۋ، كولىك قىزمەتتەرىن ەكسپورتتاۋ جانە ۇلتتىق ەكونوميكانىڭ جاڭا كىرىس كوزدەرىن قالىپتاستىرۋعا باعىتتالعان ستراتەگيالىق باعدار.
حالىقارالىق دالىزدەردى كۇشەيتۋ - قازاقستاننىڭ گەوەكونوميكالىق سالماعىن ارتتىرىپ، ەلدى وڭىرلىك تاسىمال ەكوجۇيەسىنىڭ ورتالىعىنا اينالدىرادى»، - دەيدى ول.
اۆتوكولىك جولدارى - وڭىرلىك دامۋدىڭ نەگىزگى درايۆەرى
جول سالاسىنىڭ ارداگەرى اسقار ساۋكەنوۆتىڭ ايتۋىنشا، بۇل جوبالار جاڭا لوگيستيكالىق مۇمكىندىكتەر اشادى.
«اۆتوجول ينفراقۇرىلىمى ەلدەگى ەكونوميكالىق بەلسەندىلىكتىڭ قان تامىرى ىسپەتتى. پرەزيدەنت قاسىم-جومارت توقايەۆتىڭ «قازاقستان جاڭعىرۋدىڭ جاڭا كەزەڭىنە قادام باستى» اتتى سۇحباتىنداعى اتاپ وتكەندەي، جولداردىڭ ساپاسىن ارتتىرۋ - وڭىرلەر اراسىنداعى كولىكتىك بايلانىس پەن جۇك تاسىمالى تيىمدىلىگىن كۇشەيتەدى.
جوندەۋ جانە قايتا قۇرۋ جوبالارى ءوندىرىس ورىندارىنا، اۋىل شارۋاشىلىعى ايماقتارىنا، شاعىن قالالارعا جاڭا لوگيستيكالىق مۇمكىندىكتەر اشادى. بۇل - جول قۇرىلىسىنىڭ الەۋمەتتىك-ەكونوميكالىق اسەرى جوعارى ەكەنىن كورسەتەدى»، - دەيدى جول سالاسىنىڭ ارداگەرى.
كولىك جۇيەسىن جاڭعىرتۋ - ەكسپورت الەۋەتىن وسىرەدى
ال جول سالاسىنىڭ ينجەنەرى قايىرباي سادۋاقاسوۆتىڭ ايتۋىنشا، بۇل باستامالار شەتەلدىك سەرىكتەستەرمەن ىنتىماقتاستىقتى كۇشەيتەتىن فاكتور بولماق.
«كولىك سالاسىن جۇيەلى جاڭعىرتۋ - تەك ينفراقۇرىلىم سالۋ ەمەس، تاسىمالداۋ تىزبەگىن ءتيىمدى باسقارۋ، جۇك اينالىمىن جەدەلدەتۋ جانە ەكسپورت لوگيستيكاسىن وڭتايلاندىرۋدى بىلدىرەدى.
قازاقستان ارقىلى وتەتىن حالىقارالىق باعىتتاردا جەتكىزۋ ۋاقىتى قىسقارسا، ءبىزدىڭ اۋماق ترانزيت ءۇشىن ودان دا تارتىمدى بولا تۇسەدى. بۇل - شەتەلدىك سەرىكتەستەرمەن ىنتىماقتاستىقتى كۇشەيتەتىن فاكتور. پرەزيدەنت قاسىم-جومارت توقايەۆتىڭ «قازاقستان جاڭعىرۋدىڭ جاڭا كەزەڭىنە قادام باستى» اتتى سۇحباتىندا وسى ماسەلەلەرگە ەرەكشە ءمان بەرىلۋى ماڭىزدى»، - دەيدى قايىرباي سادۋاقاسوۆ.
جول ينفراقۇرىلىمى - حالىقتىڭ ءومىر ساپاسىنا تىكەلەي اسەر ەتەدى
«اۆتوكولىك جولدارى - ەل ەكونوميكاسىمەن قاتار ازاماتتاردىڭ كۇندەلىكتى تۇرمىس ساپاسىنا اسەر ەتەتىن ماڭىزدى سالا. ءقاۋىپسىز قوزعالىس، قولجەتىمدى قاتىناس، وڭىرلەر اراسىنداعى موبيلدىلىك - ءبارى جول ينفراقۇرىلىمىمەن بايلانىستى.
ساپالى جول - الەۋمەتتىك تەڭگەرىمدى قامتاماسىز ەتەتىن فاكتور. پرەزيدەنت قاسىم-جومارت توقايەۆتىڭ «قازاقستان جاڭعىرۋدىڭ جاڭا كەزەڭىنە قادام باستى» اتتى سۇحباتىنداعى كوتەرگەن ماسەلەلەر وسى تۇرعىدان وتە وزەكتى»، - دەيدى جول سالاسىنىڭ مامانى نۇربولات قۋاندىقوۆ.
ينفراقۇرىلىم - ۇزاق مەرزىمدى ينۆەستيسيالىق رەسۋرس
«پرەزيدەنت قاسىم-جومارت توقايەۆتىڭ «قازاقستان جاڭعىرۋدىڭ جاڭا كەزەڭىنە قادام باستى» اتتى سۇحباتىنداعى ينفراقۇرىلىمعا سالىناتىن ينۆەستيسيالاردىڭ ەكونوميكالىق قايتارىمى ۇزاق مەرزىمگە ەسەپتەلەتىنى انىق كورسەتىلدى.
جاڭا جولدار مەن كولىك جەلىلەرى - بۇل وڭىرلىك دامۋعا سەرپىن، بيزنەس ءۇشىن جاڭا نارىق، لوگيستيكالىق اعىندار ءۇشىن جاڭا مارشرۋت. مۇنداي باستامالاردىڭ مۋلتيپليكاتيۆتىك اسەرى جوعارى»، - دەيدى «جول اكتيۆتەرى ساپاسىنىڭ ۇلتتىق ورتالىعى» رمك دەپارتامەنت ديرەكتورى قۋانىش تولەۋحانوۆ.
