Memleket basshysy Keniia prezidentimen shaǵyn quramda kelissóz júrgizdi, dep habarlaidy dalanews.kz.
Qasym-Jomart Toqaev Ýiliam Rýtoǵa Astanaǵa biznesmenderden quralǵan úlken delegatsiiany bastap saparmen kelgeni úshin rizashylyǵyn bildirdi.
"Bul memleketterimizdiń arasyndaǵy yntymaqtastyqty nyǵaitýǵa nietti ekenińizdi kórsetedi. Keniia – Afrikadaǵy óte mańyzdy seriktesimiz. Sizdiń elińiz qurlyqta saiasi jáne ekonomikalyq turǵydan qarqyndy damyp keledi. Kóptegen baǵytta yqpaldastyǵymyzdy keńeitýdiń tyń múmkindikteri bar. Biz buǵan qýanyshtymyz. Ony tabysty túrde ilgerilete alatynymyzǵa senimdimin. Búgin ekijaqty ekonomikalyq jáne gýmanitarlyq yntymaqtastyq perspektivasyn talqylaimyz. Nairobi Afrikadaǵy halyqaralyq ortalyq retinde tanylǵany málim. Onda BUU júiesindegi uiymdar ornalasyp, turaqty jumys istep keledi. Osyǵan bailanysty Qazaqstan Nairobide elshilik ashý týraly sheshim qabyldaǵan bolatyn", – dedi Qazaqstan Prezidenti.
Ýiliam Rýto Keniia Qazaqstandy saýda men investitsiiany damytýdaǵy mańyzdy logistikalyq hab retinde qarastyratynyn atap ótti.
"Qazirdiń ózinde elderimiz arasyndaǵy taýar ainalymynda ósim baiqalady. Biz Qazaqstan arqyly negizgi aýylsharýashylyq ónimderimizdi Eýraziia naryǵyna eksporttaýǵa niet tanytyp otyrmyz. Sapar aiasynda elderimiz arasyndaǵy yntymaqtastyqty tereńdetýge qajetti quqyqtyq negiz qalap, tyń múmkindikterge jol ashatyn birqatar qujatqa qol qoiamyz", – dedi Keniia prezidenti.
