Qazaqstan jer silkinisi sany boıynsha álemde 6-orynda tur, - dep habarlaıdy Dalanews.kz ranking.kz derekterine siltep.

earthquakelist.org málimeti boıynsha 2 aqpandaǵy jaǵdaı boıynsha eń kóp jer silkinisi Japonıada boldy: 204 oqıǵa, eń joǵary magnıtýdasy - 7,5. Odan keıin Meksıka (180 oqıǵa, eń joǵary magnıtýdasy - 6,1), Indonezıa (169 oqıǵa, eń joǵary magnıtýdasy - 5,6) tur. Sondaı-aq, Qytaı, Qyrǵyzstan, Qazaqstan, Fılıppın, Chılı, Gvatemala jáne Perýda jer silkinisi jıi boldy.

Qazaqstanda bıyldyń ózinde 123 jer silkinisi tirkelgen. Búginde Qazaqstan álemdegi 100 eldiń ishinde 6-orynda tur.

Qazaqstanda eń kúshti jer silkinisi 1911 jyly 3 qańtarda boldy. Magnıtýdasy - 7,8 bal (barlyq el arasynda 23-oryn). Jer silkinisi shamamen tórt mıllıon sharshy metr aýmaqta sezilgen. Geolog Karl Bogdanovıchtiń aıtýynsha, jer silkinisinen 452 adam qaza taýyp, 740 adam jaralanǵan, 1094 úı men 4545 kıiz úı qıraǵan, sonymen qatar, 13 myńǵa jýyq mal qyrylǵan.