Kompaniia 13 qańtarda tasymaldaý 2023 jyldyń alǵashqy úsh aiynda júzege asyrylatynyn aitty.
"QazTransOil" AQ Resei Federatsiiasy energetika ministrliginen 2023-jyldyń I toqsanynda "Transneft" magistraldi munai qubyry júiesi arqyly "Adamova zastava" munai beketimen ári qarai Germaniiaǵa 300 myń tonna kólemde qazaqstandyq munai jetkizý boiynsha rastaý qaǵazyn qabyldady" dep jazylǵan kompaniia habarlamasynda.
Kompaniianyń aitýynsha, bul Resei energetika ministrligi bekitken TMD elderiniń munaiyn Resei arqyly tasymaldaý týraly munai tranzitiniń kestesinde jazylǵan.
"Munaidyń atalmysh tranziti Qazaqstan úkimeti men Resei úkimeti arasynda 2002 jyldyń 7 maýsymda jasalǵan arnaiy kelisimshart negizinde iske asady" deidi kompaniia ókilderi.
11 qańtarda Qazaqstan energetika ministri Bolat Aqsholaqov Qazaqstannyń alǵashqy 20 myń tonna munaidy "Dostyq" qubyry arqyly Germaniiaǵa tasymaldaýǵa daiyn ekenin, biraq Resei jaǵynyń kelisimin kútip otyrǵanyn habarlaǵan.
Aqparatqa qaraǵanda, Qazaqstan 2023 jyly Germaniiaǵa 1,5 mln tonna munaidy eksporttaýdy josparlap otyr.
Qajet jaǵdaida tasymaldaý kólemin 6-6,5 mln tonnaǵa deiin jetkize alady. Degenmen ministrdiń aitýynsha, Qazaqstan jylyna alty million tonnaǵa deiin munai tasymaldai alǵanmen Germaniianyń suranysy odan da joǵary.
2023 jyly Qazaqstan 90,5 mln tonna munai óndirýdi josparlap otyr, 71 milliony eksportqa ketedi.
