Qazaqstan Gaaga kelisiminiń Jeneva aktisin ratifikatsiialaýdy josparlap otyr, dep habarlaidy Dalanews.kz.
Zań jobasyna sáikes, bul qujat ótinim berýshilerge ónerkásiptik úlgini Dúniejúzilik ziiatkerlik menshik uiymynyń (DZMU) Halyqaralyq biýrosyna bir ǵana ótinim berý arqyly tirkeýge múmkindik beredi. Nátijesinde kelisimge qatysýshy elderde ónerkásiptik úlgilerdi qorǵaý rásimi jeńildep, biýrokratiialyq talaptar azaiady.
Qujat halyqaralyq deńgeide ónerkásiptik úlgilerdi tirkeý júiesin tiimdi ári birizdi etýge baǵyttalǵan.
Mamandardyń pikirinshe, kelisimdi ratifikatsiialaý qazaqstandyq azamattar men kásipkerlerge, sondai-aq sheteldik ótinim berýshilerge óz ónerkásiptik úlgilerin qorǵaýǵa qolaily jaǵdai jasaýǵa múmkindik beredi.
