2025 jyly Global Passport Power Rank reitingisi boiynsha álemdegi "eń myqty" pasporttar tiziminde Qazaqstan 95 eldiń arasynda 52-orynǵa jaiǵasty, dep habarlaidy Dalanews.kz.
Bir jyl buryn elimiz 54-orynda tóbe kórsetken edi.
Qazirgi tańda Qazaqstan azamattary vizasyz 46 elge saiahattai alady, al taǵy 50 memlekette vizany shekaradan ótken kezde rásimdeýge múmkindik bar.
Sonymen birge 102 elge barý úshin qujattardy aldyn ala rásimdeý qajet. Osylaisha, qazaqstandyq pasporttyń mobildilik kórsetkishi 95 balldy qurady.
Biyl álemdegi “eń myqty” pasport Birikken Arab Ámirlikterine tiesili boldy. BAÁ azamattary vizasyz 133 elge bara alady.
Ekinshi oryndy Ispaniia ielense, úshinshi orynǵa Finliandiia, Frantsiia, Germaniia, Belgiia, Italiia, Daniia, Niderland, Liýksembýrg, Avstriia, Portýgaliia, Shveitsariia, Norvegiia, Grekiia jáne Irlandiia sekildi 14 eýropalyq el jaiǵasty.
Eske salaiyq, buǵan deiin 2024 jyly Qazaqstanda 1 488 308 pasport berilip, sońǵy 30 jyldaǵy rekord jańartylǵany týraly jazǵan edik.
IIM ókilderiniń málimetinshe, munyń basty sebepteriniń biri – balalarǵa arnalǵan pasporttardy rásimdeý qunynyń eki esege tómendeýi.
“Qazaqstan azamattarynyń ishinde eń jas pasport iesi – nebári 10 kúndik sábi, al eń úlkeni – 109 jastaǵy qariia. Readmissiia tártibimen politsiia shetelde qujatsyz qalǵan 70 qazaqstandyqty elge qaitardy. Sonymen qatar 41 sheteldik IT mamanyna jeńildetilgen tártippen Qazaqstanda turýǵa ruqsat berildi”, – dep habarlady vedomstvo ókilderi.
