2026 jyldyń alǵashqy toqsanynda Qazaqstan ekonomikasy 3%-ǵa ósti, dep habarlaidy Dala News.
Bul týraly Úkimet otyrysynda ulttyq ekonomika birinshi vitse-ministri Azamat Ámrin málimdedi.
Onyń aitýynsha, biylǵy jyldyń basty ereksheligi – ekonomikanyń munai sektorynsyz ósip jatqany.
«Ekonomika qalyptasqan jaǵdailarǵa bailanysty munai sektorynsyz ósip otyr», – dedi Ámrin.
Naqty sektordaǵy ósim 2,1%-dy, qyzmet kórsetý salasynda 3,7%-dy qurady. Eń joǵary ósim qurylys, kólik jáne óńdeý ónerkásibinde tirkelgen.
Investitsiialar kólemi de artqan. Negizgi kapitalǵa salynǵan investitsiialar 6,4%-ǵa ósip, 3,5 trln teńgege jetti. Jeke investitsiialar 20,9%-ǵa ulǵaiǵan.
Eń joǵary ósim:
•elektr jáne gazben jabdyqtaýda – 2,5 ese;
•aqparat jáne bailanys salasynda – 2 ese;
•aýyl sharýashylyǵynda – 70,6%.
Óńirler boiynsha Jambyl, Túrkistan, Almaty, Shyǵys Qazaqstan oblystary jáne Ulytaý oblysynda investitsiia ósimi joǵary bolǵan.
Syrtqy saýda da oń dinamika kórsetken. Qańtar-aqpan ailarynda taýar ainalymy $21,7 mlrd-qa jetti. Onyń ishinde eksport – $12 mlrd, import – $9,6 mlrd. Saýda balansy $2,4 mlrd-tan asqan.
Óńdeý ónerkásibi 8,5%-ǵa ósken. Bul ósim 18 óńirde tirkelgen.
Salalyq ósim:
•mashina jasaý – 21,9%;
•farmatsevtika – 46%;
•metall buiymdary – 39,3%;
•qurylys materialdary – 37,1%.
Qurylys salasy 14,8%-ǵa ósip, 3,9 mln sharshy metr turǵyn úi paidalanýǵa berilgen. Eń joǵary kórsetkishter Abai, Ulytaý, Qaraǵandy oblystarynda jáne Shymkent qalasynda tirkelgen.
Sonymen qatar, óńdeý ónerkásibiniń úlesi (12,7%) ekinshi jyl qatarynan taý-ken sektorynan asyp túsken. Al munai sektorynyń JIÓ-degi úlesi 2010 jylǵy 16,5%-dan 2024 jyly 8,1%-ǵa deiin tómendegen.
«Turaqty damý úshin ekonomikany ártaraptandyrýdy jalǵastyrý mańyzdy», – dedi Ámrin.
