Qazaqstan infraqurylymdyq jáne ekologiialyq jobalardy júzege asyrý úshin Dúniejúzilik bank tobynan qaryz tartpaq. Bul týraly vitse-premer Serik Jumanǵarin málimdedi, dep habarlaidy Dalanews.kz.
Onyń aitýynsha, bólinetin qarajat el ekonomikasyn tsifrlandyrýǵa, Jezqazǵan – Qaraǵandy jáne Beineý – Sekseýil baǵyttarynda avtojoldar salýǵa baǵyttalady. Sonymen qatar innovatsiialyq jobalardy damytýǵa, Soltústik Aral teńizin qalpyna keltirýge, sýarý jáne drenaj júielerin jetildirýge, temirjol qatynasyn damytýǵa, kommýnaldyq jáne energetikalyq infraqurylymdy jańǵyrtýǵa jumsalmaq. Budan bólek, Qambar-Ata-1 sý elektr stantsiiasynyń qurylysyna da qarjy qarastyrylǵan.
Aita keteiik, Májilis Qazaqstan Úkimeti men Dúniejúzilik bank tobyna kiretin halyqaralyq qarjy uiymdary arasyndaǵy seriktestik týraly ramalyq kelisimdi ratifikatsiialady. Atap aitqanda, bul qujat Halyqaralyq qaita qurý jáne damý banki, Halyqaralyq qarjy korporatsiiasy jáne Investitsiialarǵa kepildik berý jónindegi kópjaqty agenttik uiymdarymen yntymaqtastyqty keńeitýdi kózdeidi.
Kelisim Qazaqstannyń turaqty damýy men ekonomikalyq ósimin qoldaýǵa baǵyttalǵan. Qujatta osy uiymdarmen ózara is-qimyldyń quqyqtyq negizderi men negizgi qaǵidattary bekitilip, eldegi strategiialyq reformalardy qoldaýǵa arnalǵan birlesken sharalar aiqyndalǵan.
Sonymen qatar kelisim makroekonomikalyq jáne fiskaldyq turaqtylyqty nyǵaitýǵa, infraqurylymdy jańǵyrtýǵa jáne aýyl sharýashylyǵy salasyn damytýǵa baǵyttalǵan. Budan bólek, shaǵyn jáne orta bizneske qarjyǵa qoljetimdilikti arttyrý, infraqurylymdyq jáne áleýmettik salalarǵa, sonyń ishinde densaýlyq saqtaý men bilim berý júiesine investitsiia tartý da negizgi basymdyqtardyń qatarynda.
