Qazaqstan chempiondarǵa qomaqty syiaqy beretin úsh eldiń biri
Elimiz chempion bolǵan sportshyǵa 250 myń AQSh dollory kóleminde syiaqy beredi. Bizdiń eldiń aldynda Ázirbaijan men Tailand bar.
Ázirbaijan eli jeńis tuǵyrynan kórinýge qatty talpynyp jatqan bolýy kerek, jeńimpazǵa 510 myń AQSh dollaryn beretin bolypty.
Al onsyzda ózindik damýy, ózindik ekonomikalyq qoltańbasy bar tai eli biylǵy dodanyń jeńimpazyna 314 myń dollar beredi. Tailandtyq sportshyǵa beriletin 314 myń kókqaǵaz birden laq ete qalmaidy. Eger altyn alyp kelgen bolsa, aldaǵy 20 jyldyń ishinde bólshektep beriledi. Bul bir jaǵynan keshegidei doping daýyna da qatysy bolýy múmkin.
Sebebi ondai daýǵa basy ilingen sportshyǵa olimpiada syiaqysyn berýdi toqtatýy múmkin. Al ekinshi jaǵynan chempion atanǵan sportshy ai saiyn 1 300 dollardan jiyrma jyl boiy jalaqy alyp turady degen sóz.
Bizden keiin 237 myń AQSh dollaryn sanap beretin el – Filippinder. Alǵashqy bestikti Ózbekstan qorytyndylap tur. Olar árbir chempion úshin 200 myń AQSh dollaryn usynbaqshy.
Buǵan deiingi Olimpiada oiyndarynda jalpykomandalyq esepte kósh basynda júrgen elderdiń syiaqy kólemi anaý aitqandai kóp bolmai shyqty. Olardyń ishinde salystyrmaly túrde kóp syiaqyǵa keneletinderi reseilikter. Chempiondary 60 myń dollar alady. Qytai eli 50, AQSh 25, Germaniia 19,5 myń AQSh dollaryn memleket qazynasynan bólip beredi. Al Ulybritaniia elinde chempion bolǵan sporshyǵa syiaqy berý qarastyrylmaǵan.
