قازاقستان چەمپيوندارعا قوماقتى سىياقى بەرەتٸن ٷش ەلدٸڭ بٸرٸ
ەلٸمٸز چەمپيون بولعان سپورتشىعا 250 مىڭ اقش دوللورى كٶلەمٸندە سىياقى بەرەدٸ. بٸزدٸڭ ەلدٸڭ الدىندا ەزٸربايجان مەن تايلاند بار.
ەزٸربايجان ەلٸ جەڭٸس تۇعىرىنان كٶرٸنۋگە قاتتى تالپىنىپ جاتقان بولۋى كەرەك, جەڭٸمپازعا 510 مىڭ اقش دوللارىن بەرەتٸن بولىپتى.
ال ونسىزدا ٶزٸندٸك دامۋى, ٶزٸندٸك ەكونوميكالىق قولتاڭباسى بار تاي ەلٸ بيىلعى دودانىڭ جەڭٸمپازىنا 314 مىڭ دوللار بەرەدٸ. تايلاندتىق سپورتشىعا بەرٸلەتٸن 314 مىڭ كٶكقاعاز بٸردەن لاق ەتە قالمايدى. ەگەر التىن الىپ كەلگەن بولسا, الداعى 20 جىلدىڭ ٸشٸندە بٶلشەكتەپ بەرٸلەدٸ. بۇل بٸر جاعىنان كەشەگٸدەي دوپينگ داۋىنا دا قاتىسى بولۋى مٷمكٸن.
سەبەبٸ ونداي داۋعا باسى ٸلٸنگەن سپورتشىعا وليمپيادا سىياقىسىن بەرۋدٸ توقتاتۋى مٷمكٸن. ال ەكٸنشٸ جاعىنان چەمپيون اتانعان سپورتشى اي سايىن 1 300 دوللاردان جيىرما جىل بويى جالاقى الىپ تۇرادى دەگەن سٶز.
بٸزدەن كەيٸن 237 مىڭ اقش دوللارىن ساناپ بەرەتٸن ەل – فيليپپيندەر. العاشقى بەستٸكتٸ ٶزبەكستان قورىتىندىلاپ تۇر. ولار ەربٸر چەمپيون ٷشٸن 200 مىڭ اقش دوللارىن ۇسىنباقشى.
بۇعان دەيٸنگٸ وليمپيادا ويىندارىندا جالپىكوماندالىق ەسەپتە كٶش باسىندا جٷرگەن ەلدەردٸڭ سىياقى كٶلەمٸ اناۋ ايتقانداي كٶپ بولماي شىقتى. ولاردىڭ ٸشٸندە سالىستىرمالى تٷردە كٶپ سىياقىعا كەنەلەتٸندەرٸ رەسەيلٸكتەر. چەمپيوندارى 60 مىڭ دوللار الادى. قىتاي ەلٸ 50, اقش 25, گەرمانييا 19,5 مىڭ اقش دوللارىن مەملەكەت قازىناسىنان بٶلٸپ بەرەدٸ. ال ۇلىبريتانييا ەلٸندە چەمپيون بولعان سپورشىعا سىياقى بەرۋ قاراستىرىلماعان.
