Qazaqstan Birikken Ulttar Uıymynyń kıberqylmysqa qarsy konvensıasyn maquldaýǵa daıyndalyp jatyr, dep habarlaıdy Dalanews.kz.
"Qazaqstan Respýblıkasy Prezıdentiniń jarlyq jobasynda BUU-nyń kıberqylmysqa qarsy konvensıasyn maquldaý jáne ony Qazaqstan Respýblıkasynyń atynan qol qoıý ókilettigin berý kózdelgen", – delingen Memleket basshysynyń jarlyq jobasynyń sıpattamasynda.
Qujatty ázirleýshilerdiń aıtýynsha, Konvensıaǵa qol qoıý kıberqylmyspen kúres salasyndaǵy jumystyń tıimdiligin arttyrýǵa, elektrondy dáleldemelermen almasý júıesin jolǵa qoıýǵa, sondaı-aq ulttyq zańnamany jáne quqyq qoldaný tájirıbesin halyqaralyq standarttarǵa sáıkes jetildirýge quqyqtyq negiz qalyptastyrýǵa múmkindik beredi.
