2025 jyly Qazaqstan tarihynda alǵash ret balmuzdaq eksporty importtan asyp tústi, dep habarlaidy Dala News.
Jyl qorytyndysy boiynsha eksport kólemi 14 167 tonnany qurasa, import 12 194 tonna boldy. Bul kórsetkish saladaǵy júieli ózgeristerdi jáne otandyq óndirýshilerdiń halyqaralyq naryqtaǵy pozitsiiasynyń nyǵaiǵanyn kórsetedi.
«Shin-Lain» kompaniiasynyń vitse-prezidenti Omarbek Juldyzdyń aitýynsha, bul nátije uzaqmerzimdi jańǵyrtý men eksporttyq ekspansiia strategiiasynyń jemisi.
«2005 jyly Qazaqstan nebári 12 tonna balmuzdaq eksporttap, 12 myń tonnadan astam ónim importtaityn. Búginde jaǵdai túbegeili ózgerdi: jetkizý geografiiasy 10 elge deiin keńeidi, al eksport alǵash ret importtan asty. Bul qazaqstandyq ónimniń básekege qabilettiligin jáne salanyń kemeldengenin kórsetedi», — dedi ol.
Sarapshylardyń pikirinshe, ósimge zamanaýi óndiristik qýattardy iske qosýǵa baǵyttalǵan iri investitsiialar, ozyq tehnologiialardy engizý jáne otandyq óndirýshilerge kórsetilgen memlekettik qoldaý yqpal etken.
Eksporttyq túsimniń artýy men ortasha eksporttyq baǵanyń ósýi salada baǵalyq básekeden sapa men brendke negizdelgen básekege kóshý úrdisin aiqyndaidy.
