Qazaqstan ajyrasý kórsetkishi boiynsha álemde kósh bastap turǵan joq. Bul týraly Májilis depýtaty Snejana Imasheva málimdedi, dep habarlaidy dalanews.kz.
Depýtat Ztb news-ke bergen pikirinde eldegi ajyrasý deńgeii TMD memleketterindegi ortasha kórsetkishpen shamalas ekenin alǵa tartty. Sondyqtan Qazaqstan ajyrasý sany boiynsha álemdik reitingterdiń kóshin bastap tur degen pikir shyndyqqa janaspaidy.
Soǵan qaramastan depýtat otbasy institýtyn nyǵaitý mańyzdy másele bolyp qala beretinin aitty. Onyń sózinshe, qazir bolashaq erli-zaiyptylar úshin nekege deiin mindetti túrde keńes berý tetigin engizý máselesi qarastyrylyp jatyr.
"Kóptegen jup otbasylyq ómirdiń jaýapkershiligin tolyq túsinbei, alda kezdesýi múmkin qiyndyqtarǵa daiyn bolmai nekege turady", – dedi ol.
Snejana Imasheva ajyrasýdyń aldyn alý úshin otbasylyq mediatsiiany damytý, psihologtardyń kómegine júginý siiaqty sharalar tiimdi bolýy múmkin ekenin atap ótti.
Al ajyrasý kezinde tólenetin memlekettik baj salyǵyn kóterý máseleni sheshpeidi dep sanaidy.
"Eger adamdar ajyrasý týraly naqty sheshim qabyldap qoiǵan bolsa, baj salyǵyn arttyrý otbasyn saqtap qala almaidy", – dedi depýtat.
