قازاقستان اجىراسۋ كٶرسەتكٸشٸ بويىنشا ەلەمدە كٶش باستاپ تۇرعان جوق. بۇل تۋرالى مەجٸلٸس دەپۋتاتى سنەجانا يماشەۆا مەلٸمدەدٸ, دەپ حابارلايدى dalanews.kz.
دەپۋتات Ztb news-كە بەرگەن پٸكٸرٸندە ەلدەگٸ اجىراسۋ دەڭگەيٸ تمد مەملەكەتتەرٸندەگٸ ورتاشا كٶرسەتكٸشپەن شامالاس ەكەنٸن العا تارتتى. سوندىقتان قازاقستان اجىراسۋ سانى بويىنشا ەلەمدٸك رەيتينگتەردٸڭ كٶشٸن باستاپ تۇر دەگەن پٸكٸر شىندىققا جاناسپايدى.
سوعان قاراماستان دەپۋتات وتباسى ينستيتۋتىن نىعايتۋ ماڭىزدى مەسەلە بولىپ قالا بەرەتٸنٸن ايتتى. ونىڭ سٶزٸنشە, قازٸر بولاشاق ەرلٸ-زايىپتىلار ٷشٸن نەكەگە دەيٸن مٸندەتتٸ تٷردە كەڭەس بەرۋ تەتٸگٸن ەنگٸزۋ مەسەلەسٸ قاراستىرىلىپ جاتىر.
"كٶپتەگەن جۇپ وتباسىلىق ٶمٸردٸڭ جاۋاپكەرشٸلٸگٸن تولىق تٷسٸنبەي, الدا كەزدەسۋٸ مٷمكٸن قيىندىقتارعا دايىن بولماي نەكەگە تۇرادى", – دەدٸ ول.
سنەجانا يماشەۆا اجىراسۋدىڭ الدىن الۋ ٷشٸن وتباسىلىق مەدياتسييانى دامىتۋ, پسيحولوگتاردىڭ كٶمەگٸنە جٷگٸنۋ سيياقتى شارالار تيٸمدٸ بولۋى مٷمكٸن ەكەنٸن اتاپ ٶتتٸ.
ال اجىراسۋ كەزٸندە تٶلەنەتٸن مەملەكەتتٸك باج سالىعىن كٶتەرۋ مەسەلەنٸ شەشپەيدٸ دەپ سانايدى.
"ەگەر ادامدار اجىراسۋ تۋرالى ناقتى شەشٸم قابىلداپ قويعان بولسا, باج سالىعىن ارتتىرۋ وتباسىن ساقتاپ قالا المايدى", – دەدٸ دەپۋتات.
