Ótken kezeńderdegidei úi sharýashylyqtarynyń tutyný shyǵystary osy joly da azyq-túlik satyp alýǵa jumsalatyn shyǵystardyń eń kóp úlesi et jáne et ónimderine (16,9%), nan ónimderi men jarma ónimderine (7,7%) tiesili, dep habarlaidy Dalanews.kz Ulttyq statistikalyq biýroǵa silteme jasap.
Azamattar, negizinen, nan men jarma ónimderin kóp paidalanady. Jylyna orta eseppen bir adam osy taǵamdardyń 123,5 kelisin jeidi eken. Odan bólek myna taǵamdardy da jii tutynady:
- et jáne et ónimderi jan basyna shaqqanda jylyna 82,6 keli;
- balyq jáne teńiz ónimderi-14,2 keli;
- sút jáne sút ónimderi-232,2 keli;
- jumyrtqa (dana) - 232,2 keli;
- mailar - 15,7 keli;
- jemister-80,2 keli;
- kókónister-80,6 keli;
- kartop-45,2 keli;
- qant, djem, bal, shokolad, konditerlik ónimder-43,1 keli.
"Et pen et ónimderi tutynysynyń eń joǵary deńgeii Jetisý, Jambyl, Aqmola oblystarynda, al eń tómeni Shymkent qalasynda baiqalady", dep habarlaidy Ulttyq statistikalyq biýrosy.
Buǵan deiin saitymyzda "Bizdiń jep júrgenimiz - Qytaidyń kartoby". Qazaqstandiki nege qorlarda tyǵýly jatady?" degen maqala jariialanǵan bolatyn.
