Qazaqstan Respýblıkasynyń Prezıdenti Qasym-Jomart Toqaevtyń tapsyrmasyna jáne Qazaqstan Respýblıkasy Úkimetiniń qaýlysyna sáıkes Aýǵanstan halqyna joıqyn jer silkinisinen zardap shekken turǵyndardy qoldaý maqsatynda gýmanıtarlyq kómek jóneltildi, dep habarlaıdy Dalanews.kz.
Memlekettik materıaldyq rezervten qajetti dári-dármekter, medısınalyq quraldar, tósek-jabdyqtar, shatyrlar jáne ózge de birinshi kezektegi qajetti zattar bólindi. Sonymen qatar Qazaqstan Respýblıkasynyń Densaýlyq saqtaý mınıstrligi zardap shekkenderge bilikti kómek kórsetý úshin medısınalyq qyzmetkerler tobyn jasaqtap jóneltti.
Gýmanıtarlyq júktiń quramyna jalpy salmaǵy 18 tonna bolatyn 34 ataý engizildi. Júk Qazaqstan Respýblıkasy Qorǵanys mınıstrliginiń ushaǵymen jetkizilip, gýmanıtarlyq kómek búgin aýǵan tarapyna tabystalady.
TJM áskerı bóliminiń qyzmetkerleri men áskerı qyzmetshileri tıeý jáne túsirý jumystaryn júrgizip, júktiń jedel daıyndalýy men jóneltilýin qamtamasyz etti.
Gýmanıtarlyq kómek «KazAID» Qazaqstandyq halyqaralyq damý agenttiginiń qoldaýymen kórsetildi.
Qazaqstan Respýblıkasy gýmanızm men ózara kómek qaǵıdattaryn basshylyqqa ala otyryp, dostas Aýǵanstanǵa qoldaý kórsetýdi jalǵastyrýda.
