Qazaqstan álem boıynsha janarmaı baǵasy arzan elder reıtıńinde 11-orynda tur. Tizimde 169 el bar. Al Ortalyq Azıada — ekinshi orynda. Esepti GlobalPetrolPrices jasaǵan. Bul resýrs 150-den astam eldegi motor otyny, elektr energıasy jáne tabıǵı gazdyń bólshek saýda baǵasyn baqylap otyrady. 

Janarmaıdyń Qazaqstandaǵy ortasha baǵasy lıtrine 0,51 dollar shamasynda. Al álem boıynsha ortasha quny 1,32 dollar eken. Degenmen álem elderi arasyndaǵy baǵa aıyrmashylyǵy ájeptáýir ekenin atap ótý kerek. Mysaly eń arzan janarmaı Iranda. Ol jaqta lıtri — 0,029 dollar. Al eń qymbaty — Gonkongta (3,2 dollar).

«Negizi baqýatty elderde, ádette, baǵa qymbattaý bolady. Al endi jaǵdaıy nasharlaý ne munaı shyǵaryp, óndiretin elderde arzandaý. Biraq AQSH-tyń jaǵdaıy basqasha: munda ekonomıka óte damytaǵan, biraq soǵan qaramastan janarmaı qymbat emes. Elder arasyndaǵy baǵa aıyrmashylyǵy túrli salyq pen sýbsıdıalarǵa baılanysty» delingen onlaın-portaldyń jasaǵan qorytyndysynda.

Portal jasaǵan kestede eki túrli baǵa bar. Keı elderde baǵa ózgerisi apta saıyn jańartylyp otyrady (juldyzsha qoıylǵan). Al keıbiri aı saıyn jańarady. Sebebi janarmaı naryǵy rettelip, únemi ózgerip otyrady. Bul kestede Qazaqstanǵa juldyzsha qoıylmaǵan.