Ulttyq ekonomika ministrligi janyndaǵy saraptamalyq keńestiń otyrysynda Qazaqstannyń ekonomikalyq ósiminiń jańa proaktivti saiasaty qaraldy. Úkimettiń basty maqsaty – 2029 jylǵa qarai eldegi JIÓ-ni eki ese arttyryp, 450 mlrd dollarǵa deiin jetkizý. Bul mindetti Úkimet aldyna Memleket basshysy Qasym-Jomart Toqaev qoiyp otyr, dep habarlaidy Dalanews.kz.
Ulttyq ekonomika vitse-ministri Arman Qasenov atap ótkendei, bul tusta áńgime memlekettiń biznesti tek súiemeldeitin modelden salalar men jobalardy uiymdastyrýǵa belsendi qatysý modeline kóshýi týraly bolyp otyr.
"Biz Japoniia, Ońtústik Koreia, Singapýr sekildi ósýdiń rekordtyq qarqynyna qol jetkizgen elderdiń tájiribesin zerttedik. Munda memleket ósý núkteleri men strategiialyq baǵyttardy 5-10 jyl ilgeri anyqtaýǵa qatysqan eken", — dedi ol.
Onyń aitýynsha, alǵa qoiǵan maqsatty júzege asyrý negizgi kapitalǵa salynatyn investitsiiany 2024 jylǵy 41 mlrd dollardan 2029 jyly 103 mlrd dollarǵa deiin kóbeitýdi talap etedi. Osy kezeńde investitsiianyń JIÓ-ge qatynasy 14%-dan 23%-ǵa deiin ósýi tiis. Al 2025-2029 jyldary investitsiianyń jalpy kólemi shamamen 400 mlrd bolýy kerek.
Ekonomikalyq ósýdiń proaktivti saiasaty sheńberinde memlekettik qurylymdar jańa fýnktsiialarǵa ie bolady. Endi olar eksportqa baǵdarlanǵan iri jobalardy syrttan tartyp qana qoimai, ony qurylymdaýdy, qarjylandyrýdy jáne basqarýshylyq qoldaýdy qamtamasyz ete otyryp, ózderi uiymdastyrady. Osy saladaǵy memlekettik organdardyń negizgi mindeti – eksportqa baǵdarlanǵan jáne ónimdiligi joǵary jobalardy birlesip júzege asyrý úshin jetekshi sheteldik jáne otandyq kompaniialardy tartý, sondai-aq «Báiterek» holdingine kiretin damý institýttary arqyly qarjylandyrý.
"Biz biznestiń orynyn baspaimyz, kerisinshe onymen birge jumys isteimiz. Qosylǵan qundy kásipkerler jasaidy, progrestiń qozǵaýshy kúshi de solar bolmaq. Al biz otandyq jáne sheteldik kompaniialarǵa olardyń tájiribesin, tehnologiiasy men kapitalyn tartý úshin júginemiz. Bizdiń investitsiialyq damýdyń negizgi baǵyty sanalatyn – astyqty tereń jáne ortasha óńdeý, metallýrgiia, munai-himiia syndy taǵy da basqa salalardaǵy jetekshi kompaniialardan sheteldik chempiondardyń tizimin jasaqtaimyz. Olarmen qazaqstandyq jobalarǵa qatysýy úshin kelissózderge bastama jasaimyz. Olardyń salǵan investitsiiasy, jasaǵan saraptamasy, sala men tehnologiiany búge-shigesine deiin biletin biliktiligi bizge osy jobalardy sátti júzege asyrýǵa múmkindik beredi dep úmittenemiz", — dep atap ótti Arman Qasenov.
