Qazaqstanda 2027 jyldan bastap Memlekettik geologiialyq zertteý baǵdarlamasy aiasynda zerttelgen alǵashqy perspektivaly ýchaskeler investorlarǵa aýktsion arqyly usynylady, dep habarlaidy dalanews.kz.
Bul týraly QR Ónerkásip jáne qurylys ministri Ersaiyn Naǵaspaevtyń Ulytaý oblysyna jumys sapary barysynda málim boldy.
Biyl elimizdiń 11 óńirindegi 20 ýchaskede 1:50 000 masshtabtaǵy geologiialyq túsirilim jumystary bastaldy. Zertteý aýmaǵynyń jalpy kólemi 100 myń sharshy shaqyrymnan asady. Onyń ishinde Ulytaý oblysynda 7 ýchaske boiynsha 36 myń sharshy shaqyrym aýmaq keshendi geologiialyq zertteýmen qamtylǵan.
Zertteý barysynda Jerdi qashyqtan zondtaý derekteri taldanyp, ushqyshsyz aerogeofizikalyq keshender men joǵary dáldiktegi Ionic Leach geohimiialyq ádisi qoldanylyp jatyr.
«Bizdiń basty mindetimiz – sapaly geologiialyq aqparat alý. Bul geologiialyq barlaý isine investitsiia tartýǵa jáne ónerkásip salalaryn damytýǵa tikelei bailanysty», – dedi Ersaiyn Naǵaspaev.
Baǵdarlama aiasynda perspektivaly ýchaskeler týraly aqparatty biriktiretin jer qoinaýynyń biryńǵai tsifrlyq kadastry da qalyptastyrylýda. Árbir ýchaskege elektrondyq pasport jasalady. Bul geologiialyq aqparattyń ashyqtyǵy men qoljetimdiligin arttyrýǵa múmkindik beredi.
Ulytaý oblysynda «Kazakhmys Barlau» JShS aeromagnittik túsirilim, aerogamma-spektrometriia jáne aerogravimetriia júrgizip jatyr. Al Ulytaý jáne Abai oblystarynda jalpy 300-ge jýyq uńǵyma burǵylanǵan.
Sonymen qatar «Qazgeologiia» AQ RTK-navigatsiiasymen jabdyqtalǵan zamanaýi ushqyshsyz keshenderdi paidalanyp, geologiialyq zertteýler júrgizýde.
Ministr sondai-aq geologiialyq klasterdegi jumystarmen tanysty. Munda kerndi qabyldaý jáne saqtaý, zerthanalyq taldaý, geofizikalyq zertteýler men basqa da jumystardy birtutas júiege biriktirý kózdelgen.
Issapar qorytyndysynda ministr zertteý jumystaryn sapaly júrgizip, belgilengen kólemder men merzimderdi saqtaýdy tapsyrdy.
