Taıaýda Mońǵolıanyń astanasy Ulanbatyr qalasynda áıgili altaıst ǵalym Buqatuly Bazylhan (1932-2012) men Túrki Akademıasynyń sarapshysy Napıl Bazylhan daıyndaǵan «Qazaqsha-mońǵolsha sózdik» jáne «Mońǵolsha-qazaqsha sózdik» jaryq kórdi, – dep habarlaıdy Dalanews.kz.
Sózdikter QR Prezıdenti Qasym-Jomart Toqaevtyń Mońǵolıaǵa memlekettik saparyna oraı Qazaqstan men Mońǵolıanyń dástúrli dostyq yntymaqtastyǵy aıasynda Mońǵolıa Prezıdenti Ýhnaagıın Húrelsúh qoldaýymen jarıalandy. Eńbektiń alǵysózin jazǵan – Mońǵolıa Prezıdent Keńsesiniń basshysy Gombojavyn Zandanshatar.
Qos sózdik – ár birine 60 myńdaı sóz qamtylǵan altaıstıka, túrkologıa, qazaqtaný, mońǵoltaný sekildi ár salaly zertteýlerge qural bolatyn leksıkografıalyq talaptarǵa saı júzege asqan baǵaly ǵylymı eńbek.
Sózdikti baspaǵa daıyndaý isin uıymdastyrǵan, mońǵol tili redaktory – Mońǵolıa Prezıdenti janyndaǵy Til saıasaty ulttyq keńesiniń jáne resmı ister basqarmasy jetekshisi, fılologıa ǵylymdarynyń doktory (PhD) Námhúúgıın Narangerel.
