Bular týmysynan qazaqtildi aýditoriianyń pozitsiiasyn quptamaidy.
Ózderi ǵana oilasatyn dúniege qazaqtildi qaýymnyń aralasqanyn qalamaidy. Kórip júrmiz. Kýá bolǵanbyz. Kózimiz jetken.
Mundai deńgeidegi máselelerdi azǵantai adamnyń talqysyna tastai salý saýatsyzdyq.
Zań jobasyn talqylaǵan topta óńkei orystildiler tolyp otyr.
Álgindei zań jobasyna qatysty memtildi bilmeitin, qazaq aýditoriiasynyń oi-pikirimen sanaspaityn Nemolchi uiymynyń tóraǵasy Dina Tańsári men Dinara Sátjannyń tórelik aitatyn quqy joq.
Qazaqtildi aýditoriianyń sany ósip, saýaty artqan saiyn mundai konfliktiler kóbeie túsedi. Mundai taqyrypty talqylaýda qazaqtildi ortanyń dúnietanymyn, pikiri men printsipin esepke alý kerek.
Maǵan qyzyǵy osy zań jobasyn talqylaýǵa qazaqtildi sarapshylar atsalysty ma, joq pa?..
Biz aiyrtildi memlekette ómir súremiz. Aldymyzdan árkezde tildik faktor shyǵyp otyrady. Bizdiń ala-qula qoǵamda ala-qula zańdar qabyldanady. Sonyń kesirinen túrli konfliktiler týyndaidy.
Máselen memtildi bilmeitin Dina Tańsári qazaqtildi ortanyń osy taraptaǵy problemasyna qulaq asa almaidy. Al bul óte názik dúnie.
Túptep kelgende mundai zańdy qabyldatýǵa múddeli adamdar buǵan Batystyń kózimen de qarap turǵan joq.
Muny orystildi tárbiemen bailanystyrý kerek. Ulttyq qundylyqtan qol úzgen, dástúrden ajyraǵan aýditoriiaǵa qazaqylyqpen bailanysty kez-kelgen dúnie jat.
...
Turmystyq zorlyq-zombylyqqa qarsy zań jobasyn talqylaýǵa Abzal Quspan, Kamisha Esmýhambetqyzy Dosai Kenjetai, Gúlmira Ábiqai, Aigúl Orynbek sekildi sarapshylar atsalysýy kerek.
Dýman Byqai, jýrnalist, (Feisbýktaǵy jazbasy)
