«Qazaqmys korporatsiiasy» JShS óndiristik nysandaryndaǵy 38 meditsinalyq pýnktti qosymsha jabdyqtaýǵa 100 mln teńgeden astam qarjy bóldi, dep habarlaidy dalanews.kz.
Qazir qajetti meditsinalyq jabdyqtardyń negizgi bóligi jetkizildi. Meditsinalyq pýnktter alǵashqy baǵalaý júrgizip, shuǵyl kómek kórsetýge qajetti zamanaýi quraldarmen tolyqtyrylyp jatyr.
Olardyń qatarynda portativti defibrilliatorlar, elektrokardiograftar, ottegi ballondary, meditsinalyq zembilder, immobilizatsiialyq shinalar, tasymaldaýǵa arnalǵan qalqandar men kúiikke qarsy jiyntyqtar bar.
Atap aitqanda, 35 ZOLL AED Plus portativti defibrilliatory, 35 COMEN elektrokardiografiia apparaty, 20 tasymaldaý qalqany, 52 immobilizatsiialyq shina jiyntyǵy jáne 37 kúiikke qarsy jiyntyq satyp alynǵan. Sonymen qatar 38 meditsinalyq pýnkttiń barlyǵy meditsinalyq tońazytqyshpen qamtamasyz etildi.
Meditsinalyq pýnktter óndiristik nysandardyń ereksheligi men shuǵyl meditsinalyq kómek kórsetý talaptaryn eskere otyryp, biryńǵai standart boiynsha jabdyqtalýda. Bul kásiporyndardaǵy meditsinalyq kómektiń materialdyq-tehnikalyq bazasyn birizdendirip, tótenshe jaǵdai kezinde jedel áreket etýge múmkindik beredi.
Meditsinalyq pýnktterde kásibi mamandar jumys isteidi. Olar beiindi oqýdan ótip, shuǵyl meditsinalyq kómek kórsetý daǵdylaryn turaqty túrde jetildirip otyrady.
«Óndiristegi meditsina qyzmetkeriniń basty mindeti – qajetti kómekti jedel kórsetýge únemi daiyn bolý. Tótenshe jaǵdaida ár minýt mańyzdy. Sondyqtan der kezinde áreket etý mamannyń daiyndyǵy men óndiris ornynda qajetti jabdyqtyń qoljetimdi bolýyna tikelei bailanysty», – dedi «Jezqazǵan meditsinalyq ortalyǵy» JShS direktory Dáýren Amanqulov.
Meditsinalyq pýnktterdi jańǵyrtý «Qazaqmystyń» jumyskerlerge kórsetiletin meditsinalyq kómekti damytý baǵytyndaǵy júieli jumysynyń bir bóligi. Kompaniia olardyń infraqurylymyn kezeń-kezeńimen jetildirip, materialdyq-tehnikalyq bazasyn jańartýdy jalǵastyryp keledi.
