Ulytaý oblysynda birneshe uiymdasqan qylmystyq top áshkere boldy, - dep habarlaidy Dalanews.kz.
Uiymdasqan qylmysqa qarsy kúres bólinisiniń qyzmetkerleri “Qazaqmys korporatsiiasy” JShS qaýipsizdik qyzmetimen birlesip, qymbat metall qorytpalaryn urlaýdy jolǵa qoiǵan qylmystyq top áreketiniń jolyn kesti. Topqa atalǵan kásiporynnyń qyzmetkerleri de kirgen. Kúdiktiler kásiporynnan 6,5 mln teńge ónimin urlaý kezinde ustaldy. Qazirgi ýaqytta olardyń basqa qylmystarǵa qatysy bar-joǵy tekserilýde.
Sondai-aq politsiia 2022 jyldyń naýryz aiynda jergilikti kásipkerden 20 mln teńge bopsalaǵan taǵy bir top múshelerin quryqtady. Jábirlenýshini jaldamaly páterge aldap alyp kelip, fizikalyq kúsh qoldanyp, qarý-jaraqpen qorqytý arqyly aqsha talap etken.
Sonymen qatar, 2018 jyly oryn alǵan jergilikti turǵyndy óltirýge oqtalý áreketi áshkerelendi. Jergilikti kriminalitetten quralǵan qylmystyq top anyqtaldy. Oǵan qatysýshylar qazirgi ýaqytta basqa qylmystar jasaǵany úshin jazasyn ótep jatyr. Kisi óltirýge oqtalý áreketi jasalǵan tapansha tárkilendi.
Kórsetilgen faktiler boiynsha barlyǵy 17 adam ustalyp, ishki ister organdaryna jetkizildi. 20-dan astam tintý sharalary ótkizildi, nátijesinde 5 atys qarýy, oq-dáriler, pyshaqtar jáne ekstremistik sipattaǵy dini ádebietter tárkilendi.
"Barlyq fakti boiynsha sotqa deiingi tergeý júrgizilýde. Óńirlerde qylmystyq toptardyń qyzmetine jol bermeý jumystary jalǵasýda", – dedi IIM uiymdasqan qylmysqa qarsy kúres departamentiniń basqarma bastyǵy Qýandyq Alpys.
