«Qazaqmys korporasıasy» JSHS Basqarma tóraǵasynyń taý-ken isi jáne baıytý jónindegi orynbasary Saıat Bakırov kompanıanyń 2060 jylǵa deıingi taý-ken baıytý keshenin damytý strategıasyn talqylaý úshin Taý-ken óndirisi (TKÓ) bas dırektorlarynyń qatysýymen keńeıtilgen keńes ótkizdi, dep habarlaıdy Dalanews.kz.
Otyrys barysynda kompanıanyń óndiristik bólimsheleri aldaǵy onjyldyqtarǵa arnalǵan óndirýdiń kúntizbelik josparyn talqylady. Osynyń negizinde óndiristik ınfraqurylym salý men jańǵyrtýǵa ınvestısıa tartýdy, sondaı-aq taý-ken-shahta jabdyǵyn jańartý men aýystyrýdy qamtıtyn qarjylandyrý baǵdarlamasy qalyptasady.
Keńeske qatysýshylar basym baǵyttardyń qatarynda mys-shıkizat qoryn tolyqtyrý maqsatynda Q.I.Satbaev atyndagy Jezqazgan TKÓ Jezqazǵan ken ornynda (114 kelisimshart) geologıalyq barlaý jumysyn júrgizý qajettigin atap ótti. Sondaı-aq óndirý kólemin qamtamasyz etý úshin «Jylandy» kenishinde óndiristik nysandar salý jáne ony jabdyqtaý jumysyn jalǵastyrý qajet.
Qaragayly TKÓ boıynsha ken ıgerý isine «Qusmuryn» ken orny qosymsha tartylýda. Bul Qaraǵaıly baıytý fabrıkasyn shıkizatpen qamtamasyz etýge múmkindik beredi.
Nurqazǵan TKÓ quramyndaǵy Nurqazǵan baıytý fabrıkasyn jańǵyrtýǵa erekshe nazar aýdaryldy. Josparǵa sáıkes, kásiporyn 2029 jylǵa qaraı jylyna 4,5 mln tonnaǵa deıin shıkizat óńdeý deńgeıine shyǵýy tıis. Qazirgi tańda fabrıkanyń kórsetkishi jylyna shamamen 4 mln tonnany quraıdy.
Strategıalyq jospar barlanǵan ken qory negizinde qalyptasýda. Alaıda ony iske asyrý barysynda shıkizat kólemi men ondaǵy paıdaly komponentterdiń quramyn naqtylaý qajet bolady. Osyǵan baılanysty jańa derek anyqtalǵan saıyn baǵdarlamaǵa túzetý engizilip otyrady.
