«قازاقمىس كورپوراسياسى» ج ش س باسقارما ءتوراعاسىنىڭ تاۋ-كەن ءىسى جانە بايىتۋ جونىندەگى ورىنباسارى سايات باكيروۆ كومپانيانىڭ 2060 جىلعا دەيىنگى تاۋ-كەن بايىتۋ كەشەنىن دامىتۋ ستراتەگياسىن تالقىلاۋ ءۇشىن تاۋ-كەن ءوندىرىسى (تكو) باس ديرەكتورلارىنىڭ قاتىسۋىمەن كەڭەيتىلگەن كەڭەس وتكىزدى، دەپ حابارلايدى Dalanews.kz.
وتىرىس بارىسىندا كومپانيانىڭ وندىرىستىك بولىمشەلەرى الداعى ونجىلدىقتارعا ارنالعان ءوندىرۋدىڭ كۇنتىزبەلىك جوسپارىن تالقىلادى. وسىنىڭ نەگىزىندە وندىرىستىك ينفراقۇرىلىم سالۋ مەن جاڭعىرتۋعا ينۆەستيسيا تارتۋدى، سونداي-اق تاۋ-كەن-شاحتا جابدىعىن جاڭارتۋ مەن اۋىستىرۋدى قامتيتىن قارجىلاندىرۋ باعدارلاماسى قالىپتاسادى.
كەڭەسكە قاتىسۋشىلار باسىم باعىتتاردىڭ قاتارىندا مىس-شيكىزات قورىن تولىقتىرۋ ماقساتىندا Q.I.Satbaev atyndagy Jezqazgan تكو جەزقازعان كەن ورنىندا (114 كەلىسىمشارت) گەولوگيالىق بارلاۋ جۇمىسىن جۇرگىزۋ قاجەتتىگىن اتاپ ءوتتى. سونداي-اق ءوندىرۋ كولەمىن قامتاماسىز ەتۋ ءۇشىن «جىلاندى» كەنىشىندە وندىرىستىك نىساندار سالۋ جانە ونى جابدىقتاۋ جۇمىسىن جالعاستىرۋ قاجەت.
Qaragayly تكو بويىنشا كەن يگەرۋ ىسىنە «قۇسمۇرىن» كەن ورنى قوسىمشا تارتىلۋدا. بۇل قاراعايلى بايىتۋ فابريكاسىن شيكىزاتپەن قامتاماسىز ەتۋگە مۇمكىندىك بەرەدى.
نۇرقازعان تكو قۇرامىنداعى نۇرقازعان بايىتۋ فابريكاسىن جاڭعىرتۋعا ەرەكشە نازار اۋدارىلدى. جوسپارعا سايكەس، كاسىپورىن 2029 جىلعا قاراي جىلىنا 4،5 ملن تونناعا دەيىن شيكىزات وڭدەۋ دەڭگەيىنە شىعۋى ءتيىس. قازىرگى تاڭدا فابريكانىڭ كورسەتكىشى جىلىنا شامامەن 4 ملن توننانى قۇرايدى.
ستراتەگيالىق جوسپار بارلانعان كەن قورى نەگىزىندە قالىپتاسۋدا. الايدا ونى ىسكە اسىرۋ بارىسىندا شيكىزات كولەمى مەن ونداعى پايدالى كومپونەنتتەردىڭ قۇرامىن ناقتىلاۋ قاجەت بولادى. وسىعان بايلانىستى جاڭا دەرەك انىقتالعان سايىن باعدارلاماعا تۇزەتۋ ەنگىزىلىپ وتىرادى.
