Qazaqstan Respýblikasynyń Mádeniet jáne aqparat ministrligi Ulttyq «Qazaqfilm» kinostýdiiasynyń barlyq negizgi óndiristik nysandary memleket menshiginde qalatynyn resmi túrde málimdedi, dep habarlaidy Dalanews.kz
Ministrliktiń málimetinshe, bul sheshim Rysqulov dańǵylyndaǵy «P» árpi túrinde jobalanǵan áigili ǵimaratqa da qatysty. Qazirgi tańda nysan «Qazaqfilmniń» menshiginde jáne ony satý jóninde eshqandai resmi derek joq.
Vedomstvo sońǵy ýaqytta áleýmettik jelilerde, sonyń ishinde mádeniettanýshy Erlan Tóleýtaidyń jazbalarynda da shyndyqqa janaspaityn jáne rastalmaǵan aqparattar tarap jatqanyn atap ótti. Mundai aqparat qoǵamda memlekettik organdarǵa degen senimsizdik týǵyzýy múmkin.
Mádeniet jáne aqparat ministrligi azamattardy tek resmi aqparat kózderine senýge shaqyryp, jalǵan málimet taratýdyń zań aldynda jaýapkershilikke ákeletinin eskertti. QR Qylmystyq kodeksiniń 274-babyna sáikes, jalǵan aqparat taratý qatań jazalanady.
